އެއްގަމު މަގުން އިސްރާއީލާއި ހިޒްބުﷲގެ ހަނގުރާމަވެރިން ތިބި ލުބުނާނުގެ ދެކުނު ސަރަހައްދަށް އަރައިގަނެގެން އުޅޭ ޔަހޫދީ ސިފައިންނާއި ކުރިމަތިލައި އެމީހުންގެ 25 މީހުން މިހާތަނަށް މަރާލާފައިވާނެ ކަމަށް ހިޒްބުﷲއިން ބުނެފިއެވެ.
ލުބުނާނުގައި ހަރަކާތްތެރިވާ އީރާނުގެ މަދަދު ލިބޭ މުޖާހިދުންގެ ގްރޫޕުން އެކްސްގައި ބުނާ ގޮތުގައި އެ ޖަމާއަތުން ވަނީ އިސްރާއީލު ސިފައިންގެ ސެމްސަން ޔުނިޓްގެ މަރުކަޒު ކަމަށްވާ ތަބަރާޔާ ލޭކް ކައިރީގައި އޮންނަ މަރުކަޒަކަށް ވެސް ކާމިޔާބު ހަމަލާއެއް ދީފައެވެ.
ހިޒްބުالله އިން ބުނާ ގޮތުގައި އެމީހުން ރޭ ހަމަލާ ދިން ސެމްސަން ޔުނިޓާއި އެތަނުގެ މަރުކަޒަކީ އިސްރާއީލް ސިފައިން ބޭނުންކުރާ "ކޮމާންޑް އިކުއިޕްމަންޓް ސެންޓަރަކާއި ސަރަހައްދީ އިކުއިޕްމަންޓް ޔުނިޓް" އެވެ. ހަމަލާ އަމާޒުކޮށްފައިވަނީ އިސްރާއީލްގެ އޮފިސަރުންނާއި ސިފައިންގެ ލޮކޭޝަންތަކަށް ކަމަށް ހިޒްބުﷲއިން ބުނެއެވެ. ނަމަވެސް މިހަމާލަގައި ލިބުނު ގެއްލުމެއް ލުބުނާނުގެ ހިޒްބުﷲއިން ބުނެފައި ނުވާއިރު، އެއްގަމު މަގުން އަރައި ލިމިޓެޑް އޮޕަރޭޝަނެއް ހިންގަން އިސްރާއީލުން ކުރި އިއުލާނަށްފަހު މިހާތަނަށް ހިޒްބުﷲގެ ހަމަލާތަކުގައި އިސްރާއީލްގެ 25 ސިފައިން މަރާލާފައިވާއިރު 150އަށްވުރެ ގިނަ އިސްރާއީލް ސިފައިން ޒަހަމް ވެފައިވާކަން ހިޒްބުﷲއިން ކަށަވަރު ކުރެއެވެ.
Advertisement
ރޭ ފޮނުވާލި ޑްރޯން ހަމަލާ އާއި ގުޅިގެން އިސްރާއީލު ސިފައިން ބުނީ ކިރިޔާތު ޝްމޯނާ ސަރަހައްދުން ލުބުނާނުގެ ސަރަހައްދުން ގާތްގަނޑަކަށް 30 ހަމަލާއެއް ފޮނުވާލި ކަމަށާއި ބައެއް ހަމަލާތައް ހުއްޓުވާލި ކަމަށެވެ.
