ރަޝިޔާގެ ރަސްމީ ޓެރަރިސްޓް ޖަމާއަތްތަކުގެ ލިސްޓުން ތާލިބާނުން އުނިކުރުމަށް ރަޝިޔާގެ ރައީސް ވްލަޑިމިއާ ޕޫޓިން ނިންމަވައިފިއެވެ. ރަޝިއާއިން މިގޮތަށް ނިންމީ ހުލްނގާއި ރަޝިއާ އާއި ދެމެދު އުފެދިފައިވާ ފިތުނަ ތަކުގެ ބޮޑުކަމުން އެގައުމުން އެހެން ބައިވެރިން ބޭނުންވާތީއެވެ. އަނެއްކޮޅުން ރަޝިއާގެ އެކުވެރި ޗައިނާއިން ވެސް ޠާލިބާނާއި ހާއްސަ ގުޅުން ބާއްވައި އަފްޣާނިސްތާނުގައި ދަނީ އިންވެސްޓް ކުރަމުންނެވެ.
އެމެރިކާ އިސްވެ އޮވެ އަފްޣާނިސްތާނުގައި ހިންގި އަސްކަރީ އޮޕަރޭޝަންތަކުގެ ތެރެއިން ތާލިބާނުންނަކީ ޓެރަރިސްޓް ޖަމާއަތެއްގެ ގޮތުގައި ރަޝިޔާއިން ކަނޑައަޅާފައިވަނީ 2003 ވަނަ އަހަރުއެވެ. އޭރު ތާލިބާނުންނަކީ ހަމަނުޖެހުން ގެއްލޭ ބާރެއްގެ ގޮތުގައި ގިނަ ބަޔަކު ދެކެމުން އައިއިރު، އަލްގައިދާ ފަދަ ހަރުކަށި ޖަމާއަތްތަކާ މުހިންމު ގުޅުމެއް އޮތް ބައެކެވެ. ނަމަވެސް 2021 ވަނަ އަހަރުގެ އޮގަސްޓް މަހު އެ ޖަމާއަތުން އެމެރިކާގެ މައްޗަށް ގަދަވެ، އަފްޣާނިސްތާނުގެ ކޮންޓްރޯލް އަލުން ހޯދި ފަހުން ރަޝިޔާއިން ވަނީ ތާލިބާނުންނާ އެކު ޑިޕްލޮމެޓިކް ޗެނަލްތައް ދަމަހައްޓަން ފަށާފައެވެ. ޖުލައި މަހު ޕޫޓިން ވިދާޅުވީ ޓެރަރިޒަމާއި ދެކޮޅަށް ރަޝިއާއިން ކުރާ މަސައްކަތުގައި ޠާލިބާނަކީ ރަޝިއާގެ އެކުވެރިއެއް ކަމަށެވެ. ރަޝިއާގެ މަގްސަދަކީ ހުޅަނގާއި ގުޅުން ކުޑަ ގައުމުތަކާއި ގުޅުން ބަދަހިކޮށް ޖަމާއަތް ބޮޑުކުރުމެވެ.
ރައީސް ޕޫޓިން ވިދާޅުވީ ހާލަތު ބަދަލުވެފައިވާ ކަމަށާއި، ރަޝިޔާއިން ދަނީ ހާލަތު އަލުން ވަޒަން ކުރަމުން ކަމަށެވެ. އަދި ޠާލިބާނުންނާއި. ގުޅިގެން މި ސަރަހައްދުގައި ސުލްހައާއި އަމާންކަން ކަށަވަރު ކުރަން ޖެހޭ ކަމަށް ރަޝިއާއިން ބުނެއެވެ.
Advertisement
ރަޝިޔާގެ މި ނިންމުމަކީ މައިނޯރިޓީތަކާ މެދު އަމަލުކުރާ ގޮތާ މެދު ކަންބޮޑުވުންތަކެއް ހުރި ނަމަވެސް ގިނަ ގައުމުތަކުން ސަމާލުކަން ދެމުންދާ ކަމެކެވެ. ތާލިބާނުންނަކީ ގާނޫނީ ސިޔާސީ ފަރާތެއްގެ ގޮތުގައި ބަލައިގަތުމަށް ގިނަ ގައުމުތައް ދެކޮޅު ހަދަނީ ވެސް ހުޅަނގުން ދެކޮޅު ހަދާތީއެވެ. ޓެރަރިސްޓް ލިސްޓުން އެ ޖަމާއަތް މޮސްކޯއިން އުނިކުރުމަކީ އަފްޣާނިސްތާނާ މެދު ޚާރިޖީ ސިޔާސަތަށް ބޮޑު ބަދަލެއް އަންނާނެ ކަމެކެވެ.
