އިސްރާއީލުގެ އިސްތިއުމާރީން ފާއިތުވި 24 ގަޑިއިރު ތެރޭގައި ހިފާފައިވާ ހުޅަނގު އައްސޭރި ހުރަސްކޮށް ކުރިއަށް ގެންދިޔަ ސިލްސިލާ ރޭޑްތަކެއްގައި ފަލަސްތީނުގެ 15 މީހަކު ރަހީނުކޮށް ބަންދު ކޮށްފައިވާ ކަމަށް މަސްދަރުތަކުން ބުނެފި އެވެ.

ފަލަސްތީނުގެ ގައިދީންގެ ޖަމިއްޔާއިން ނެރުނު ބަޔާނެއްގައި ރިޕޯޓްކޮށްފައިވާ ގޮތުގައި 2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހުން ފެށިގެން އިސްރާއީލުގެ އަނިޔާވެރިކަން ފެށުނު ފަހުން ރަހީނުކޮށް ބަންދުކުރި މީހުންގެ ޖުމްލަ އަދަދު 11،000 އަށް ވުރެ މައްޗަށް ގޮސްފައި ވެއެވެ.

އަދި ފަލަސްތީނުގެ ގިނަ އަދަދެއްގެ މަސައްކަތްތެރިންނާއި ޣައްޒާއިން އެތައް ހާސް ބަޔަކު ބަންދުކޮށްފައިވާ ކަމަށް ވެސް ރިޕޯޓުގައި އަލިއަޅުވާލާފައި ވާއިރު ، އެތައް ބަޔަކު ވަނީ ގެެއްލުވާލާފައި ކަމަށާއި އޭގެ އެއްވެސް މީހަކު އެއްވެސް ފަރާތަކުން ހޯދިފައި ނުވާ ކަމަށް ވެސް ރިޕޯޓުގައި ވެއެވެ.

ޕީޕީއެސް) އާއި ޑިޓެއިންސް އެންޑް އެކްސް ޑިޓެއިންސް އެފެއާޒް ކޮމިޝަނުން ގުޅިގެން ނެރުނު ބަޔާނުގައި އިސްރާއީލުން ވަނީ ފަަސްތީނު މުސްލިމުންގެ އިންސާނީ ޝީލްޑުގެ ގޮތުގަ ވެސް ބޭނުންކޮށްފައެވެ. އަދި އެކަމުގެ ތަފްސީލު ވެސް އެ ރިޕޯޓުގައި ވެއެވެ.

އިސްރާއީލުން މުސްލިމުންގެ ގެދޮރު ހަލާކުކޮށް ސުންނާފަތިކޮށް ވަރަށް ފުޅާކަންބޮޑު ގޮތެއްގައި މުދަާއި ފައިސާތައް ވެސް ފޭރިފައިވާ ކަމަށާއި، ރަނާއި، އިލެކްޓްރޯނިކް އާލާތްތައް އަތުލައި ރަހީނުކުރި މީހުންގެ އާއިލާތަކަށް ނިސްބަތްވާ ގެތައް ވެސް ތަޅައި ގޮއްވާލާފައިވާ ކަމަށް ރިޕޯޓުގައި ވެއެވެ.