ބަންގްލަދޭޝްގެ ކްރިކެޓް ތަރި އަދި ޝޭޚު ހަސީނާގެ އަވާމީ ލީގުގެ ޕާލިމެންޓު މެމްބަރު ޝަކީބުލް ހަސަން ކްރިކެޓް ކުޅުން ހުއްޓާލަން ނިންމައިފިއެވެ. ޚަބަރުތައް ބުނާ ގޮތުގައި އުމުރުން 37 އަހަރުގެ މި ކުޅުންތެރިޔާ މިކަން އިޢުލާންކުރީ ބަންގްލަދޭޝްގެ މިހާރުގެ ސިޔާސީ މަސްރަހުގެ ނާމާންކަމާއި ގުޅިގެން ޤައުމުން ބޭރުގައި ހުރެގެންނެވެ.
ޝަކީބުލް ހަސަންގެ ނަން ވަނީ އެ ގައުމުގައި ހިނގި މަރުގެ މައްސަލައެއްގައި ތުހުމަތު ކުރެވޭ 155 މީހުންގެ ލިސްޓެއްގައި ހިމެނިފައެވެ. މިކަމާއި ގުޅިގެން އޭނާގެ ސަލާމަތަށް ކަންބޮޑުވާ ކަމަށް ބުނެ، އެނބުރި ގައުމަށް ދިއުމަށް ޝަކީބުލް ހަސަން ވަނީ ފަސްޖެހިފައެވެ.
"އަހަރެންނަކީ ބަންގްލަދޭޝްގެ ރައްޔިތެއް. ބަންގްލަދޭޝްއަށް ދިއުމުގައި މައްސަލައެއް ނެތް. ނަމަވެސް އެތަނަށް ގޮސް، ގާތް ރައްޓެހިންނާއި އާއިލާ މިކަމުގައި އަހަރެންގެ ސަލާމަތަށް ނުރައްކާވާތީ ކަންބޮޑުވޭ،" ޝަކީބުލް ހަސަން ބުންޏެވެ.
Advertisement
ޝަކީބުލް ހަސަން ބުނި ގޮތުގައި މި ނިންމުން ނިންމީ ވިސްނުންތެރިކަމާއެކު ކަމަށާއި މިކަމުގައި ބަންގްލަދޭޝް ކްރިކެޓް ބޯޑުގެ ލީޑަރޝިޕާ ވެސް މަޝްވަރާ ކޮށްފައިވެއެވެ.
ޝަކީބުލް ހަސަން ބުުނީ ސައުތު އެފްރިކާގައި އިންޑިއާ އާއި ދެކޮޅަށް ކުޅޭ ޓީ-20 އިންޓަރނޭޝަނަލް ޓެސްޓު މެޗަށްފަހު އޭނާ ރިޓޔާ ކުރާނެ ކަމަށެވެ.
އޭނާ ބުނީ ބަންގްލަދޭޝްގެ މިހާރުގެ ސިޔާސީ ހާލަތާއި ގުޅިގެން އޭނާ އެނބުރި ގައުމަށް ދާނެކަން ކަށަވަރެއް ނޫނެވެ.
އިންޑިއާ އާއި ބަންގްލަދޭޝް ބައްދަލުކުރާ ދެވަނަ ޓެސްޓު މެޗުގައި ކުޅިވަރުން ރިޓަޔާ ކުރާއިރު އި ޝަކީބު ވަނީ 69 ޓެސްޓް ކުޅެ 4،453 ލަނޑު ހަދައި 242 ވިކެޓް ނަގައިފަ އެވެ.
