ކޮމަންވެލްތު ގޭމްސް ފެޑެރޭޝަން (ސީޖީއެފް) އިން ދިވެހީރާއްޖޭގެ ކުޅިވަރު މަޝްރޫއުތަކަށް އެހީތެރިކަން ފޯރުކޮށްދިނުމަށް ހަމަޖެހިފައިވާ ކަމަށް ސްޕޯޓްސް އެންޑް ފިޓްނަސް މިނިސްޓަރު އަބްދުﷲ ރާފިއު ވިދާޅުވެއްޖެ އެވެ.
ސީޖީއެފް އޭޝިއާ އެންޑް އޯޝޭނިއާ ރީޖަނަލް މީޓިން ހުޅުވުމުގެ ރަސްމިއްޔާތަށްފަހު ނޫސްވެރިންނާ ވާހަކަ ދައްކަވަމުން މިނިސްޓަރު ރާފިއު ވަނީ ސީޖީއެފްގެ ފަރާތުން މަޝްރޫޢުތަކަށް އެއްބާރުލުން ލިބޭނެ ކަމަށް ވިދާޅުވެފައެވެ.
މި އެހީގެ ސަބަބުން ލަނޑުދަނޑިތައް ކުރިއެރުވުމަށާއި އެތުލީޓުންނަށް ރަނގަޅު ފުރުސަތުތަކެއް ހޯދައިދެވޭނެ ކަމަށް ރާފިއު ވިދާޅުވިއެވެ.
Advertisement
މި ބައްދަލުވުމުގައި އެ ފެޑްރޭޝަންގެ ރައީސް ކްރިސް ޖެންކިންސް އާއި ސީއީއޯ ކޭޓީ ސެޑްލިއަރވެސް ބައިވެރިވެވަޑައިގަންނަވައެވެ.
ރާއްޖޭގެ ކުޅިވަރުތަކުގެ ތެރެއިން މިވަގުތު އެންމެ ބޮޑު އަޑިއެޅުމެއް އުޅެނީ ނިސްބަތުން ބަލާއިރު ފުޓުބޯޅައިގައެވެ. އެގޮތުން އެކި ފަރާތްތަކުން އެފްއޭއެމަށް ދީފައިވާ ފައިސާތަކުގެ މައްސަލަ މިހާރު ވެސް ދަނީ ބަލަމުންނެވެ.
