6ވަނަ ކެރަމް ވޯލްޑް ކަޕުން މެޑަލް ހޯދި ކެރަމް ޤައުމީ އަންހެން އަދި ފިރިހެން ޓީމަށް ކޮމިޝަނަރ އޮފް ސްޕޯޓްސް މަރުޙަބާ ދަންނަވައިފިއެވެ.
އެމެރިކާގެ ކެލިފޯނިއާގައި ކުރިއަށްދިޔަ 6 ވަނަ ކެރަމް ވޯލްޑް ކަޕްގައި 18 ޤައުމަކުން ވަނީ ވާދަކޮށްފައެވެ. މި މުބާރާތުގައި ދިވެހިރާއްޖޭގެ އަންހެން ޓީމުންނާއި ފިރިހެން ޓީމުން ވަނީ ލޯ މެޑަލް ހޯދާފައެވެ.
ޤައުމީ ކެރަމް ޓީމަށް ވެލާނާ އިންޓަނޭޝަނަލް އެއާޕޯޓުން މަރުޙަބާ ދެންނެވީ ކޮމިޝަނަރ އޮފް ސްޕޯޓްސް މުޙައްމަދު ތޮލާލް އާއި ކުޅިވަރު ވުޒާރާގެ އިސްވެރިންނެވެ. މީގެ އިތުރުން މޯލްޑިވްސް އޮލިމްޕިކް ކޮމިޓީގެ ރައީސް މުޙައްމަދު އަބްދުއްސައްތާރު އާއި ޖެނެރަލް ސެކެޓްރީ ތަމޫހު އަހުމަދު ސައީދުވެސް ބައިވެރިވެވަޑައިގެންނެވިއެވެ.
Advertisement
ކެރަމް ވޯލްޑް ކަޕްގެ ތިން ވަނަ އަންހެން ޓީމުން ހޯދީ މުބާރާތް ބޭއްވި ޤައުމު އެމެރިކާ އަތުން 2-1 ގޭމުން މޮޅުވެގެންނެވެ. ފިރިހެން ޓީމުން ވަނީ ތިންވަނަ ހޮވި މެޗުގައި ސިންގަޕޫރުގެ މައްޗަށް 2-1 އިން ކުރި ހޯދާފައެވެ.
