މިއަދު ކުޅުނު މެޗުން ވެސް ރާއްޖެ ބަލިވެ، އިންޑޮނޭޝިއާގައި މިވަގުތު ކުޅެމުންދާ އޭއެފްސީ 20 އަހަރުން ދަށުގެ އޭޝިއަން ކަޕް 2025 ކޮލިފައިންގައި ރާއްޖެއަށް ދަތިތަކާއި ކުރިމަތިލާން ޖެހިއްޖެއެވެ.
މިއަދުގެ މެޗު ފެށިތަނާހެން 8ވަނަ މިނެޓުގައި ޔަމަނުން ވަނީ ރާއްޖޭގެ ގޯލު ފޫއަޅުވާލާފައެވެ. މި ގޯލު ޖެހީ އެ ޓީމުގެ އަދީލް އައްބާސް ޤާސިމެވެ. ރާއްޖެއިން ފުރަތަމަ ހާފް ނިންމާލީ ދެލަނޑުގެ ގެއްލުމާއި އެކުގައެވެ.
ޔަމަނުގެ 3 ވަނަ ލަނޑު ޖެހީ މެޗުގެ އެންމެ ފަހު މިނެޓުގައެވެ. އެ ލަނޑު ޖަހައިދިނީ އެޓީމަށް 36ވަނަ މިނެޓުގައި ދެވަނަ ގޯލު ޖަހައިދިން އަބްދުﷲ އައްތުރައިޤީ އެވެ.
ރާއްޖެ މިމެޗުން ބަލިވުމުން މިހާރު އޮތީ 4 ޓީމު ވާދަކުރާ ގުރޫޕް އެފް ގެ ފުލުގައެވެ.
6 ޕޮއިންޓާއެކު ޔަމަން ގުރޫޕްގެ އެއްވަނައިގައި އޮތްއިރު ދެވަނައިގައި އިންޑޮނޭޝިއާ އޮތީ 3 ޕޮއިންޓާއެކުއެވެ. އީސްޓް ޓިމޯ އެއްމެޗު ކުޅެފައިވާއިރު އެޓީމު ޔަމަންގެ އަތުން ބަލިވެފައިވަނީ 1-3 ލަނޑުންނެވެ. އެއީ ރާއްޖެ ކޮޅަށް އިންޑޮނޭޝިއާ 4 ލަނޑު ޖެހި ދުވަހު އެވެ.
