ބުންޑަސްލީގާގެ ތާރީހުގައި އިނގިރޭސި ކުޅުންތެރިޔަކަށް އެންމެ ގިނަ ގޯލު ޖެހި ރެކޯޑު އިންގްލެންޑުގެ ގައުމީ ކެޕްޓަން ހެރީ ކޭން ހޯދައިފިއެވެ.

ކުރިން މި ރެކޯޑު އޮތީ 40 ގޯލު ޖެހި ޖޭޑަން ސަންޗޯގެ އަތުގައެވެ.

ވޭޑާ ބްރޭމަން އަތުން 5-0 އިން ބަޔާން މޮޅުވި މެޗުގައި ކޭން ވަނީ ދެވަނަ ހާފުގައި ގޯލު ޖަހައި ސަންޗޯގެ ރެކޯޑު މުގުރާލާފައެވެ.

ކޭންގެ ފާހަގަކޮށްލެވޭ ހަފްތާގައި ޗެމްޕިއަންސް ލީގުގައި ބަޔާންއިން ޑައިނަމޯ ޒާގްރެބް އަތުން 9-2 އިން މޮޅުވި މެޗުގައި ހަތަރު ގޯލު ޖެހިއެވެ.

ކޭން ، ސަންޗޯގެ ރެކޯޑް މުގުރާލީ އެންމެ 36 މެޗުން ނަމަވެސް، ސަންޗޯ އަށް ބޭނުންވި ބްރޫޝިއާ ޑޯޓްމުންޑުގައި 118 މެޗު ބޭނުންވިކަން ފާހަގަ ކުރެވެއެވެ.