ޖަތުމަނުގެ ކުލަބު ބަޔާން މިއުނިކް އިން އިނގިރޭސި ސްޓްރައިކަރ ހެރީ ކޭން އަށް ފުރަތަމަ ފަހަރަށް ޗެންޕިއަން ތައްޓެއް ހޯދައިދީފިއެވެ. ބުންޑެސްލީގާގެ މިފަހަރުގެ ޗެމްޕިއަންކަން ބަޔާން މިއުނިކް އަށް ކަށަވަރުވުމާއެކު، ކޭން އަށް ވެސް އޭނާގެ ކެރިއަރުގެ ފުރަތަމަ ތަށި ލިބުނީއެވެ.

31 އަހަރުގެ ކޭން ބަޔަން މިއުނިކް އާއި ގުޅުނީ މިދިޔަ އޯގަސްޓް މަހުއެވެ. އޭރު އޭނާ ޓޮޓެންހަމް ހޮޓްސްޕަރ އިން ބަޔަން މިއުނިކް އަށް ބަދަލުވީ 100 މިލިއަން ޔޫރޯ (86.4 މިލިއަން ޕައުންޑް) އަށެވެ. އެއީ ބުންޑެސްލީގާގެ ތާރީޚުގައި އެންމެ ބޮޑު އަގެއްގައި ކުޅުންތެރިއަކު ގަތް ޑީލް އެވެ.

^{ބަޔާންމިއުނިކްގެ މެޗެއްގެތެރެއިން. ކޭން ވަނީ މިއުނިކްގައި 36 ގޯލް ޖަހާފަ.}

ކޭން ވަނީ މި މޫސުމުގައި ބުންޑެސްލީގާގައި 24 ގޯލު ޖަހައި، ލީގުގެ އެންމެ ގިނަ ގޯލު ޖެހި ކުޅުންތެރިޔާގެ ޝަރަފް ވެސް ހޯދާފައެވެ. ހުރިހާ މުބާރާތްތަކެއް އެކުގައި ބަލާއިރު، އޭނާ ވަނީ 36 ގޯލު ޖަހާފައެވެ.

ކޭން ގެ މި ކާމިޔާބީ އާ ގުޅިގެން، އޭނާގެ ކުރީގެ ކޯޗު އަދި ބަޔަން މިއުނިކް ގެ ކުރީގެ ސްޓްރައިކަރު ޖާގަން ކްލިންސްމަން ވަނީ ބުނެފައެވެ. "އަހަރެން ވަރަށް އުފާވޭ… އޭނާއަށް ޗެމްޕިއަންކަން ހައްގު… ފާއިތުވި 10 އަހަރު ތެރޭގައި އޭނާ ވަނީ އެކަން ސާބިތުކޮށްދީފައި."

^{އަލަށް ތަށި ލިބުމުން އެކަމުގެ އުފަލުގައި ކޭން ކޮށްފައިވާ ސޯޝަލްމީޑިއާ ޕޯސްޓެއް.}

ކޭން އަކީ އިނގިރޭސި ޤައުމީ ޓީމުގެ ކެޕްޓަން އެވެ. އަދި އިނގިރޭސި ޤައުމީ ޓީމުގެ ތާރީޚުގައި އެންމެ ގިނަ ގޯލު ޖެހި ކުޅުންތެރިޔާ އެވެ. އެހެން ނަމަވެސް މިހާތަނަށް އޭނާ އަށް އެއްވެސް ތައްޓެއް މިނޫނީ ނުލިބެއެވެ.

ތާރީހަށް ބަލާއިރު އިނގިރޭސި ޤައުމީ ޓީމާއެކު ޔޫރޯ 2020 ގެ ފައިނަލްގައި ބަލިވެފައިވާއިރު، 2018 ވަނަ އަހަރުގެ ވޯލްޑް ކަޕްގެ ސެމީ ފައިނަލްގައި ވެސް ބަލިވެފައިވެއެވެ.

ބަޔަން މިއުނިކް ގެ ޗެއަރމަން އުލި ހޯނެސް ވެސް ވަނީ ކޭން އަށް ތަޢުރީފުކޮށްފައެވެ.

މި މަޤާމާއެކު، ކޭން އަށް ވަނީ އޭނާގެ ކެރިއަރުގައި އެތައް އަހަރެއް ވަންދެން ދިމާވެފައިވާ ފާޑުކިޔުންތަކަކަށް ޖަވާބު ދެވިފައެވެ.