މިރެޔަކީ ކެތްތެރިކަމެއް ނެތި އިންތިޒާރު ކުރަމުންދާ ބޮޑު މުބާރާތެއްގެ ފެށުން އަންނަ ރެޔެވެ. 48 ޓީމު ވާދަކުރާ މި ފޯރިގަދަ މުބާރާތަށް ތައްޔާރުވަމުންދާއިރު، ދުނިޔޭގެ ސަމާލުކަން ހޯދާނެ ކަމަށް ބެލެވޭ އާ 20 ޒުވާން ކުޅުންތެރިއެއްގެ ލިސްޓެއް ޚުލާސާއިން މިވަނީ ތައްޔާރުކޮށްފައެވެ.

މި ލިސްޓުގައި ހިމެނޭ ކުޅުންތެރިންނަކީ މިހާރުވެސް ކްލަބް ފެންވަރުގައާއި ބައިނަލްއަގުވާމީ މައިދާނުގައި އާދަޔާހިލާފު މޮޅު ކުޅުމެއް ދައްކަމުން އަންނަ ތަރިންނެވެ. އޭގެ ތެރޭގައި ސްޕެއިންގެ ލަމީން ޔަމާލް، ޕޯޗުގަލްގެ ޔޮއާއޯ ނޭވްސް، އިންގްލެންޑުގެ ކޯބީ މައިނޫ، އަދި ބްރެޒިލްގެ އެންޑްރިކް ފަދަ ކުޅުންތެރިން ހިމެނެއެވެ. މި ކުޅުންތެރިންނަށް ގިނަ ބައެއްގެ ސަމާލުކަން ހުއްޓިފައިވަނީ އެ ކުޅުންތެރިންގެ އުމުރާ ނުބައްދަލު ހުނަރާއި، މެޗުތަކުގެ ނަތީޖާ ބަދަލުކޮށްލުމުގެ ގާބިލުކަން ހުރުމުންނެވެ.

މިރޭ ފަށާ ވޯލްޑް ކަޕުގައި ވިދާލާނެ ކަމަށް ބެލެވޭ 20 ޒުވާން ކުޅުންތެރިންގެ ތަފްސީލު ތިރީގައި އެވަނީއެވެ:

1. ލަމީން ޔަމާލް (ސްޕެއިން): ބާސެލޯނާގެ މި ފޯވާޑަކީ މިހާރުވެސް ދުނިޔޭގެ ސަމާލުކަން ހޯދާފައިވާ ކުޅުންތެރިއެކެވެ. ޔޫރޯ 2024 ގައި އޭނާ ދެއްކި މޮޅު ކުޅުމާއެކު، 2026 ގެ ވޯލްޑް ކަޕްގައި އޭނާ ވާނީ ސްޕެއިންގެ އެންމެ މުހިންމު އެއް ތަރިއަށެވެ.

2. ޔޮއާއޯ ނެވެސް (ޕޯޗުގަލް): ޕީ.އެސް.ޖީގެ އުންމީދީ މިޑްފީލްޑަރަކީ އުމުރުން އެންމެ 21 އަހަރުގައި ބޮޑު މަގުބޫލުކަމެއް ހޯދާފައިވާ ހުނަރުވެރި ކުޅުންތެރިއެކެވެ. ދަނޑުމަތީގައި ދައްކާ ހިތްވަރާއި، ބޯޅަ ހޯދުމުގެ ގާބިލުކަމުގެ އިތުރުން އޭނާގެ ޕާސްތަކުގެ ސަބަބުން އޭނާ ފާހަގަކުރެވެނީ ދުނިޔޭގެ އެންމެ އުންމީދީ އެއް މިޑްފީލްޑަރުގެ ގޮތުގައެވެ.

3. އެންޑްރިކް (ބްރެޒިލް): ރެއާލް މެޑްރިޑުން ލޯނެއްގެ ދަށުން ފްރާންސުގެ ލިޔޯނަށް ކުޅެމުން އަންނަ މި ޒުވާން ފޯވާޑަކީ ބްރެޒިލްގެ ކުރިއަށް އޮތް އުންމީދެވެ. އޭނާގެ ހަލުވިކަމާއި ގޯލަށް އަމާޒުކުރުމުގެ ހުނަރަކީ އާދަޔާހިލާފު ކަމެކެވެ.

4. ކޯބީ މައިނޫ (އިންގްލެންޑް): މެންޗެސްޓާ ޔުނައިޓެޑްގެ މެދުތެރޭގައި ދައްކަމުންދާ ހަމަޖެހޭ ކުޅުމާއެކު، އިންގްލެންޑުގެ ގައުމީ ޓީމުން އޭނާ ވަނީ ޖާގަ ކަށަވަރުކޮށްފައެވެ.

5. އާރްދާ ގުލާ (ތުރުކީ): 'ތުރުކީގެ މެސީ' ގެ ނަމުން މަޝްހޫރުވެފައިވާ މި ކުޅުންތެރިޔާއަކީ ބޯޅައާއެކު އާދަޔާހިލާފު މޮޅު ހުނަރުތަކެއް ދައްކާ ކުޅުންތެރިއެކެވެ.

6. ވަރަން ޒައިރް-އެމެރީ (ފްރާންސް): ޕީ.އެސް.ޖީގެ މެދުތެރޭގައި ތަފާތު ދައްކަމުންދާ މި ކުޅުންތެރިޔާއަކީ ފްރާންސްގެ ވަރުގަދަ ސްކޮޑުން ޖާގަ ހޯދާނެ އެންމެ އުންމީދީ އެއް ތަރިއެވެ.

7. ޔަން ދިއޮމާންޑޭ (އައިވޮރީ ކޯސްޓް): އާރްބީ ލައިޕްޒިގާއި އައިވަރީ ކޯސްޓްގެ ގައުމީ ޓީމަށް ކުޅޭ އުމުރުން 19 އަހަރުގެ ހުނަރުވެރި ވިންގަރެކެވެ. އޭނާ ބެލެވެނީ އައިވަރީ ކޯސްޓް ޓީމުން ފެންނާނެ އެންމެ އުއްމީދީ އެއް ހުނަރުވެރިޔާގެ ގޮތުގައެވެ.

8. ކެންޑްރީ ޕައޭޒް (އިކުއެޑޯ): އެންމެ 17 އަހަރުގައި ޗެލްސީއަށް ސޮއިކޮށްފައިވާ މި ކުޅުންތެރިޔާއަކީ ދެކުނު އެމެރިކާގެ އެންމެ އުންމީދީ އެއް ކުޅުންތެރިޔާއެވެ.

9. ގިލްބާރޓޯ މޯރާ (މެކްސިކޯ): އުމުރުން 17 އަހަރުގެ ހުނަރުވެރި އެޓޭކިންގ މިޑްފީލްޑަރު ފާހަގަކުރެވެނީ ވަރަށް ހަމަޖެހިގެން ކުޅޭ އުންމީދީ ޒުވާން ކުޅުންތެރިޔާގެ ގޮތުގައެވެ. އަދި އޭނާއަކީ ގިނަ ބައެއްގެ ސަމާލުކަން ލިބޭނެ މުހިންމު ކުޅުންތެރިއެއް ކަމަށް ބެލެވެއެވެ.

10. ޕައު ކިއުބާސީ (ސްޕެއިން): ބާސެލޯނާގެ ޑިފެންސްގައި ދައްކަމުންދާ ހަރުދަނާ ކުޅުމާއެކު، އޭނާ ވާނީ ސްޕެއިންގެ ފަހަތް ބަލަހައްޓާނެ މުހިންމު ކުޅުންތެރިއަކަށެވެ.

11. ޖޯހަން މަންޒަމްބީ (ސްވިޒަރލޭންޑް): އުމުރުން 20 އަހަރުގެ ހަކަތަގަދަ މިޑްފީލްޑަރެކެވެ. ބުންޑަސްލީގާގެ 2025/26 ސީޒަނުގައި މޮޅު ކުޅުމެއް ދެއްކި މި ކުޅުންތެރިޔާއަކީ، ވޯލްޑް ކަޕުގައި ސުވިޒަލޭންޑުން އެންމެ އުންމީދުކުރާ އެއް ޒުވާން ތަރިއެވެ.

12. ޕީއެސްވީ އެއިންދޯވަން (އެމެރިކާ): އުމުރުން 23 އަހަރުގެ ރިކާޑޯ ޕެޕީ އަކީ ގޯލު ޖެހުމަށް ކުޅަދާނަ، ހަށިގަނޑުން ވަރުގަދަ ފޯވާޑެކެވެ. އޭނާއަކީ އެމެރިކާ ޓީމުގެ އެޓޭކުގައި މުހިންމު ދައުރެއް އަދާކުރާނެ ކުޅުންތެރިއެކެވެ.

13. ފްލޮރިއަން ވިރްޓްޒް (ޖަރުމަނު): ބަޔާ ލެވަކޫސަންއަށް ލީގު ހޯދައިދިނުމުގައި މުހިންމު ދައުރެއް އަދާކުރި މި ކުޅުންތެރިޔާއަކީ މިހާރުވެސް ޔޫރަޕްގެ އެންމެ މޮޅު އެއް މިޑްފީލްޑަރެވެ.

14. ޖަމާލް މުސިއާލާ (ޖަރުމަނު): ޖަރުމަނުގެ އެޓޭކުގައި އެންމެ ނުރައްކާތެރި ކުޅުންތެރިއަކަށް ވާނީ މުސިއާލާއެވެ.

15. ނިކޯ ވިލިއަމްސް (ސްޕެއިން): އޭނާގެ ހަލުވިކަމާއި ޑްރިބްލިންގް ހުނަރަކީ ވާދަވެރި ޓީމުތަކަށް އޮތް ބޮޑު ބިރެކެވެ.

16. ގެސީމް ޔާސީން (މޮރޯކޯ): ފަރަންސޭސިވިލާތަށް އުފަން، އުމުރުން 20 އަހަރުގެ ގެސީމް ޔާސީން އަކީ އާރް.ސީ ސްޓްރަސްބާގަށް ކުޅެމުން އަންނަ މޮރޮކޯގެ ހުނަރުވެރި ވިންގަރެކެވެ. މި ކުޅުންތެރިޔާ ފާހަގަކުރެވެނީ ވާތު ފައިން ބޯޅަ ގެންގުޅޭ ހުނަރުވެރިކަމުގެ ކުޅުންތެރިއެއް ގޮތުގައެވެ.

17. ކޮންރަޑް ލައިމާ (އޮސްޓްރިއާ): އޮސްޓްރިއާގެ ޓީމުގައި މުހިންމު ދައުރެއް އަދާކުރާ ހީވާގި ކުޅުންތެރިއެކެވެ.

18. ލޫކަސް ހެރިންގްޓަން (އޮސްޓްރޭލިއާ): ކޮލޮރާޑޯ ރެޕިޑްސްއަށް ކުޅޭ އުމުރުން 18 އަހަރުގެ ހުނަރުވެރި ސެންޓަރބެކެކެވެ. ބްރިސްބޭން ރޯއާ އިން ވިދާލި، އިސްކޮޅުން ދިގު މި ކުޅުންތެރިޔާއަކީ ބޯޅައާއެކު ކުޅުމަށް ކުޅަދާނަ ޑިފެންޑަރެކެވެ.

19. އައްޔޫބް ބޫއައްދީ (މޮރޯކޯ): އަކީ ފްރާންސަށް އުފަން ނަމަވެސް މޮރޯކޯގެ ގައުމީ ޓީމަށް ކުޅޭ އުމުރުން 18 އަހަރުގެ ހުނަރުވެރި މިޑްފީލްޑަރަކީ ބޯޅަ ހިފަހައްޓައިގެން ކުޅުމާއި، ޕާސްކުރުމުގެ ހުނަރު ލިބިފައިވާ ކުޅުންތެރިޔެކެވެ.

20. ބްރެޑްލީ ބާކޯލާ (ފްރާންސް): ޕީ.އެސް.ޖީގައި އޭނާ ދައްކަމުންދާ ހަލުވި ކުޅުމާއެކު ފްރާންސްގެ އެޓޭކަށް އާ ދިރުމެއް ލިބޭނެއެވެ.

މި ކުޅުންތެރިންނަށް ވޯލްޑް ކަޕްގައި ފުރުސަތު ލިބިގެންދަނީ އެމީހުންގެ ގައުމީ ޓީމުތަކުގެ މުސްތަގުބަލު ބިނާކުރުމަށް ކުރެވޭ މަސައްކަތުގެ ދަށުންނެވެ. ވަރުގަދަ ގައުމުތަކުން މިހާރުވެސް ދަނީ މި ޒުވާން ތަރިންނަށް އިސްކަންދީ، 2026 ގެ މުބާރާތަށް ޓީމުތައް ބައްޓަން ކުރަމުންނެވެ.

ރާއްޖެ ގަޑިން މިރޭ 00:00 ގައި ފަށާ މި މުބާރާތަކީ މިހާރު ތިބި ތަޖުރިބާކާރު ކުޅުންތެރިންގެ ފަހު މުބާރާތަށް ވުން އެކަށީގެންވާއިރު، މި އާ 20 ކުޅުންތެރިން ވެގެންދާނީ ފުޓްބޯޅައިގެ އާ ޖީލެއްގެ ފެށުމަށެވެ.