އިންޑިއާގެ މަޝްހޫރު އެކްޓަރު އަމީތާބް ބައްޗަން ވަނީ އޭނާ ކުރަފި މަރާ ގޮތް ހާމަކޮށްފައެވެ. މި މަޢުލޫމާތު އޭނާ ހާމަކުރީ އިންޑިއާގެ މަޤްބޫލު ކުއިޒް ޝޯ "ކޯން ބަނޭގާ ކްރޯޑްޕަތީ" ގައެވެ.

އަމީތާބް އެއް ފަހަރަކު ކުރަފި މަރަން ކަންކުރިގޮތް އޭނާ އެ ޝޯގައި ކިޔައިދޭ ބައި ސޮނީގެ އިންސްޓަގްރާމްގައި ވަނީ ޕޯސްޓުކޮށްފަ އެވެ. ސަމާސާއަކަށް ދެއްކި އެ ވާހަކައިގައި އޭނާ ބުނި ގޮތުގައި، ކުރަފި މެރުމަކީ ވަރަށް އުނދަގޫ ކަމެކަމަށާއި މިކަން އޭނާ ވަރަށް ގިނަ ގޮތްގޮތައް ޓެސްޓް ކޮށްފައިވާކަމަށް ވެސް ބުންޏެވެ.

އަމީތާބް ބުނި ގޮތުގައި ކުރަފި މަރަން އުނދަގޫވާތީ، އޭނާ ބޭނުންކުރަނީ ޚާއްސަ ޕައުޑަރެކެވެ. މި ޕައުޑަރު ފުޅިއަކަށް އަޅައި، ކުރަފި އޭގެ ތެރެއަށް ލައިގެން މަރާކަމަށް އޭނާ ބުންޏެވެ. މިއީ އޭނާ ބޭނުންކުރާ ފަސޭހަ އަދި އަވަސް ގޮތެއްކަމަށް އަމީތާބް ބުނެފައިވެއެވެ.

"ކޯން ބަނޭގާ ކްރޯޑްޕަތީ" އަކީ އިންޑިއާގެ އެންމެ މަޤްބޫލު އެއް ޓީވީ ޝޯއެވެ. މި ޝޯގެ 16 ސީޒަނުގެ ތެރެއިން 15 ސީޒަން ހޮސްޓުކޮށްފައިވަނީ އަމީތާބް ބައްޗަނެވެ. މިއީ އޭނާގެ ކެރިއަރގައި ވަރަށް މުހިންމު ދައުރެއް އަދާކުރި ޝޯއެކެވެ.

އިންޑިއާގެ ގިނަ ރައްޔިތުން މި ޝޯ ބަލާކަމާއި، މިހާރުވެސް މި ޝޯއަށް ވަރަށް ބޮޑު ތަރުހީބެއް ލިބެމުންދާކަން ފާހަގަކުރެވެއެވެ. އަމީތާބްގެ ޝަޚްޞިއްޔަތާއި، ޝޯގެ މުއްސަނދި މަޢުލޫމާތަކީ މި ޝޯ މިހާ މަޤްބޫލުވުމުގެ މައިގަނޑު ސަބަބުކަމަށް ބެލެވެއެވެ.