ދިވެހިރާއްޖޭގެ ސަރުކާރުން ވަނީ އުތުރު ތިލަފަޅުގައި 200 ހެކްޓަރުގެ އެގްރިކަލްޗަރ އިކޮނޮމިކް ޒޯނެއް ތައާރަފްކޮށް، 2025 ވަނަ އަހަރުގެ ޖެނުއަރީ މަހު މަސައްކަތް ފެށުމަށް ހަމަޖެހިފައި ކަމަށް ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ.ޢައިޝަތު ރަމީލާ ވިދާޅުވެއްޖެއެވެ. 

ލޯކަލް ފުޑް ޕްރޮޑަކްޝަން އިތުރުކުރުމުގެ މަޤްސަދުގައި މި މަޝްރޫއުގެ ފުރަތަމަ ފިޔަވަހީގައި 100 ހެކްޓަރުގެ ގްރީންހައުސް ތަރައްގީކޮށް، ކޮންޓްރޯލް ކުރެވިފައިވާ މާހައުލެއްގައި އިމްޕޯޓް ކުރާ ތަފާތު ބާވަތްތައް އިންދައިގެން ކުރިއަށް ގެންދާނެ އެވެ. ދައުލަތުގެ މީޑިއާއިން ރޭ ގެނެސްދިން އިވެންޓެއްގައި އެކަމަނާ ވިދާޅުވީ މިއީ އަޅުގަނޑުމެންގެ ކާބޯތަކެތި ފޯރުކޮށްދިނުމުގެ ގޮންޖެހުންތަކަށް ހައްލެއް ހޯދުމަށް އެޅޭ މުހިންމު ފިޔަވަޅެކެވެ. 

މިނިސްޓަރ ވިދާޅުވީ މި މަޝްރޫޢުގެ ސަބަބުން ދިވެހިިން އަމިއްލައަށް އުފައްދާ ކޮލިޓީ ކާނާ ދިވެހިންނަށް ލިބޭނެއެވެ.

އިމްޕޯޓަށް ބަރޯސާވެފައިވާ ރާއްޖޭގައި، ރައްޔިތުންނަށް ކާބޯތަކެތީގެ ރައްކާތެރިކަން ކަށަވަރުކޮށްދެމުން މާލީ ބުރަ ކުޑަކުރުމަށް މި ދަނޑުވެރިކަމުގެ ޒޯނަކީ އުއްމީދީ ހައްލެއްގެ ގޮތުގައި ސަރުކާރުން ދެކެއެވެ.

^{ރައީސުލް ޖުމްހޫރިއްޔާ ޑރ.މުޙައްމަދު މުޢިއްޒު އާއި ޗައިނާގެ ރައީސް ޝީ ޖިން ޕިން ބައްދަލުކުރައްވަނީ: އުތުރު ތިލަފަޅުގެ ދަނޑުވެރިކަމުގެ މަޝްރޫޢަށް ޗައިނާގެ ފުރިހަމަ އެހީއާއި އެއްބާރުލުން ލިބޭނެ}

ރައްޔިތުންގެ މަޖިލިސް އިންތިޚާބުގެ ތެރޭގައި ރައީސުލް ޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެފައިވަނީ ޤައުމުގެ އިޤްތިޞާދު ރަނގަޅުކުރުމަށް ރާއްޖޭގައި އުފެއްދޭ ކާބޯތަކެތީގެ ބާވަތްތައް އިމްޕޯޓް ކުރުން ނިމުމަކަށް ގެނަންނެޖެހޭކަމަށެވެ. މިޤައުމުގައި އުފެއްދޭނެ ހުރިހާ ބާވަތެއްގެ ކާބޯތަކެތި، ދިވެހި ހުރިހާ ރައްޔިތުންނަށް ފުދޭ މިންވަރަށް އުފެއްދުމަށް މަސައްކަތް ފަށްޓަވާފައިވާކަން ފާހަގަކުރައްވާ ރައީސް އޭރު ވިދާޅުވީ ފުޑް ސެކިއުރިޓީ ނުވަތަ ކާބޯތަކެތީގެ ޔަޤީންކަން މި ދައުރުގައި ފުރިހަމައަށް ޤާއިމްކުރައްވާނެކަމަށެވެ. އެކަމަށްޓަކައި އުތުރުތިލަފަޅުގައި ޚާއްޞަ ސަރަހައްދެއް ކަނޑައަޅުއްވާފައިވާކަމަށްވެސް އެމަނިކުފާނު ވިދާޅުވެފައި ވެއެވެ.

މާފަންނު ހުޅަނގު ދާއިރާގެ ސަރުކާރުގެ ކެންޑިޑޭޓް އަހްމަދު މުސްތަފާ މުހައްމަދުގެ ކެމްޕޭން ޖަލްސާގައި ވާހަކަފުޅު ދައްކަވަމުން ރައީސް ވިދާޅުވެފައި ވެއެވެ. "200 ހެކްޓަރުގެ ބިޔަ ބޮޑު ބިންހިއްކާ އަދި އެއާގުޅިގެން އިންޓެގްރޭޓެޑް ޑިވެލޮޕްމަންޓާއެކީގަ ރާއްޖޭގެ ރައްޔިތުންނަށް ބޭނުންވާ މިންވަރަށް، އަދި ރާއްޖޭގެ ދަނޑުވެރިކަމުގެ މަސައްކަތް ހިންގާ، ރައްޔިތުން ދިރިއުޅޭ ރަށްރަށްވެސް ހިމަނައިގެން އުތުރާ ދެކުނުގެ މިކަހަލަ ބިން ހުރި ރަށްތަކުގަވެސް މި މަޝްރޫޢުގެ ބައިބައި ހިނގާނެ."

އުތުރު ތިލަފަޅުން ބިން ހިއްކައިގެން ދެމެހެއްޓެނިވި ގޮތެއްގައި ދަނޑުވެރިކަން ކުރުމަށް މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯންއާއި (އެމެއައިޑީ)، އާއި ޗައިނާ ހާބާ އިންޖިނިއަރިން ކޮމްޕެނީ ލިމިޓެޑާ އެކު ރާއްޖޭގައި އެގްރިކަލްޗާ އިކޮނޮމިކް ޒޯންނެއް (އޭއީޒެޑް) ގާއިމްކުރުމަށް މިއަހަރުގެ މާޗު މަހުގެ 28ވަނަ ދުވަހު ވަނީ އެމްއޯޔޫއެއްގައި ސޮއި ވެސް ކޮށްފައެވެ.