އީރާނުން ބުނެގެން ފުރާންސާއި ޖަރުމަނުގައި ޔަހޫދީން މެރުމުގެ ރޭވުމުގައި ބައިވެރިވި ދެމަފިރިއެއްގެ މައްޗަށް ޕެރިހުގެ ކޯޓަކުން ދައުވާ އުފުލައިފި އެވެ.

33 އަހަރާއި 34 އަހަރުގެ މި ދެމެފިރިންނާއި ދެކޮޅަށް މެއި މަހުގެ ހަތަރު ވަނަ ދުވަހު ދައުވާ އުފުލާފައި ވަނީ ޓެރަރިސްޓް ޖަމިއްޔާއަކާ އެކު ޖިނާއީ ކުށްތައް ހިންގައި ރޭވުމުގެ ދައުވާ ކަމަށާއި އެ ދެމަފިރިން ތިބީ ޝަރީއަތުގެ ކުރިން ބަންދުގައި ކަމަށް ފުލުހުންގެ މަސްދަރުތަކުން އޭއެފްޕީއަށް ބުނެފައިވާކަމަށް އޭއެފްޕީ ބުނެއެވެ.

އަނެއްކޮޅުން ފްރާންސްގެ ސަލާމަތީ އިދާރާއިން ނެރުނު ރިޕޯޓުގައި ލިޔެފައިވަނީ 2015 ވަނަ އަހަރުން ފެށިގެން އީރާނުގެ ސިއްރު އެޖެންޓުން ޓާގެޓްކޮށް މީހުން މަރާލުމުގެ ސިޔާސަތު އަލުން ފަށާފައިވާއިރު، އިސްރާއީލާއި ހަމާސް ހަނގުރާމައިގެ ތެރޭގައި އެ ނުރައްކާ އިތުރުވެފައިވާ ކަމަށެވެ.

އީރާނުގެ ޖާސޫސީ އިދާރާތަކުގެ އަމާޒަކީ އާންމުންނަށް އަމާޒުކޮށްގެން ޔޫރަޕްގެ އިދިކޮޅު ޕާޓީތައް ހިމެނޭ ގޮތަށް ޔަހޫދީންނާއި އިސްރާއީލުގެ މީހުންގެ މެދުގައި ބިރުވެރިކަން ފެތުރުމަށް ކަމަށް ވެސް ތުހުމަތު ކުރެވެ އެވެ. މިމައްސަލައިގައި ހިމެނޭ 34 އަހަރުގެ މީހާއަކީ މީގެ ކުރިން ފްރާންސްގެ މާސޭ ސިޓީގައި މީހަކު މަރާލި މައްސަލައެއްގައި 10 އަހަރަށް ޖަލަށް ލުމަށް ހުކުމްކޮށްފައިވާއިރު، މިދިޔަ އަހަރުގެ ޖުލައި މަހު ދޫކޮށްލާފައިވާ މީހެކެވެެ.

ފްރާންސްގެ ސަލާމަތީ އިދާރާއިން ބުނާ ގޮތުގައި ކުރީގެ ގައިދީއަކު ވަނީ ފްރާންސްގެ ލިޔޯންގައި ެ.

އެ ޖަމާއަތުން ރާވާފައި ވަނީ ޕެރިހުގައި ހުންނަ އިސްރާއީލުގެ ސެކިއުރިޓީ ފާމެއްގެ ކުރީގެ މުވައްޒަފަކާއި ޕެރިހުގެ ސަބަރބްގައި ދިރިއުޅޭ އޭނާގެ ތިން އެކުވެރިންނަށް ހަމަލާދިނުމަށެވެ. އަދި މިއުނިކާއި ބާލިންގައި ދިރިއުޅޭ އިސްރާއީލަށް އުފަން ޖަރުމަނުގެ ތިން ރައްޔިތަކަށް ވެސް ވަނީ އަމާޒުކޮށްފަ އެވެ.

އީރާނުން ފަންޑު ކޮށްގެން ޔަހޫދީން މަރަން މިޝަންތައް ހަވާލު ކުރާކަމަށް ދެކެވޭ ވާހަކަތަކަށް އެގައުމުން ދެނީ ފިނި ޖަވާބެކެވެ.