ޗައިނާއިން ރާއްޖެ ޒިޔާރަތްކުރި ފަތުރުވެރިންގެ އަދަދު ދެ ލައްކައަށް އަރައިފިއެވެ.
ޓޫރިޒަމް މިނިސްޓްރީން އާންމުކުރާ ޑެއިލީ އަޕްޓޭޑްސް ރިޕޯޓުގައިވާގޮތުން މި މަހުގެ ހަތް ވަނަ ދުވަހުގެ ނިޔަލަށް ޗައިނާއިން ރާއްޖެ އައި ފަތުރުވެރިންގެ އަދަދު 202,613 އަށް ވަނީ އަރާފައެވެ. މި އަހަރު ފެށުނު ފަހުން ރާއްޖެއަށް އެންމެ ގިނައިން ފަތުރުވެރިން އަންނަ ޤައުމުތަކުގެ އެންމެ ކުރީގައި އުޅެނީ ޗައިނާއެވެ.
އެ ލިސްޓުގެ ދެވަނައިގައި އޮތީ ރަޝިޔާއެވެ. އެގޮތުން ރަޝިޔާއިން މިހާތަނަށް 149,011 ފަތުރުވެރިން ރާއްޖެ ޒިޔާރަތްކޮށްފައިވާއިރު، ލިސްޓުގެ ތިންވަނައިގައި އޮތް އިނގިރޭސިވިލާތުން 119,189 ފަތުރުވެރިން ވަނީ ރާއްޖެ ޒިޔާރަތްކޮށްފައެވެ. އަދި ހަތަރު ވަނައިގައި އޮތް އިޓަލީން 102,412 ފަތުރުވެރިން ވަނީ ރާއްޖެ ޒިޔާރަތްކޮށްފައެވެ.
Advertisement
ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން މި އަހަރުގެ މިހާތަނަށް ޖުމްލަ 1,386,530 ފަތުރުވެރިން ވަނީ ރާއްޖެ ޒިޔާރަތްކޮށްފައެވެ. މިއީ މިދިޔަ އަހަރުގެ މި މުއްދަތާ އަޅާ ބަލާއިރު %10.2 ކުރިއެރުމެކެވެ.
ސަރުކާރުގެ އަމާޒަކީ މި އަހަރު 2 މިލިއަން ފަތުރުވެރިން ރާއްޖެ ގެނައުމެވެ.
