ފުވައްމުލަކު ބަނދަރު ސަރަޙައްދުން ފަތުރުވެރިކަމަށް ބިން ދޫކުރަން ހުޅުވާލައިފި

ފުވައްމަލު ސިޓީގެ ބަނދަރު ސަރަޙައްދުން ފަތުރުވެރިކަަމުގެ ބޭނުމަށް ބިން ކުއްޔަށް ދޭން ނިންމައި އެކަމަށް އެދި ހުށަހަޅަން ހުޅުވާލައިފިއެވެ.

ފުވައްމުލަކު ސިޓީ ކައުންސިލުން ކުރި ޢިއުލާނެއްގައި ބުނީ ފަތުރުވެރިކަމުގެ ބޭނުމަށް ބިން ކުއްޔަށް ދިނުމަށް ހަމަޖެހިފައިވަނީ ބިޑް ޑޮކިއުމަންޓް ވިއްކައިގެން ކަމަށެވެ. އެގޮތުން ބިޑް ޑޮކިއުމަންޓެއްގެ އަގަކީ 100 ޑޮލަރު ކަމަށް ކައުންސިލުން ބުންޏެވެ.

މިއަދުން ފެށިގެން މި މަހުގެ 11 ވަނަ ދުވަހުގެ މެންދުރު 1:00 އާ ހަމައަށް ބިޑު ހުށެހެޅޭއިރު، ފުވައްމުލަކު ސިޓީ ކައުންސިލުން ބުނީ ކޮންމެ މީހަކަށްވެސް އެ ބިޑު ހުށަހެޅޭނެ ކަމަށެވެ.

ފުވައްމުލައް ސިޓީއަކީ ފަތުރުވެރިންގެ މެދުގައި މަޝްހޫރު ސިޓީއެކެވެ.