Fuluhaku anhenakah aniyaakoh maruge inzaarudhin mahsala thahugeegah

ޚުލާސާ

ފާއިތުވި ހޯމަ ދުވަހު، ފުލުހުންގެ އޮފިސަރަކު އަންހެނަކަށް މަރުގެ އިންޒާރު ދިންކަމަށް ބުނާ މައްސަލައެއް ހުށަހެޅި، އޭގެ ތަޙުޤީޤު ވަނީ ފެށިފަ. މި މައްސަލައާ ގުޅުންހުރި ބިރުދެއްކުމުގެ ފޯނު ކޯލްތަކުގެ ރެކޯޑިންގތަކާއި މެސެޖުތަކުގެ ސްކްރީންޝޮޓްތައް ސޯޝަލް މީޑިއާގައި ފެތުރުމާ ގުޅިގެން، މި މައްސަލައަށް ޢާންމުންގެ ސަމާލުކަން ލިބި، ކަމާބެހޭ ފަރާތްތަކުން ތަހުގީގު ކުރަން ފަށައިފި.

ފުލުހުންގެ އޮފިސަރަކު އަންހެނަކަށް އަނިޔާކޮށް މަރުގެ އިންޒާރު ދިންކަމަށް ބުނެ ހުށަހެޅުނު މައްސަލައެއް ދިވެހި ފުލުހުންގެ ޚިދުމަތުން ތަޙުޤީޤު ކުރަން ފަށައިފިވެ.

ފުލުހުންގެ ފަރާތުން ކަށަވަރުވި ގޮތުގައި މި މައްސަލަ އެ ސާވިސްއަށް ހުށަހެޅީ މިދިޔަ ހޯމަ ދުވަހުއެވެ.

މި މައްސަލައާ ގުޅިގެން، އަނިޔާ ލިބުނު ކަމަށް ބުނާ އަންހެންމީހާއަށް ބިރުދެއްކުމުގެ ގޮތުން ކުރެވުނު ފޯނު ކޯލްތަކުގެ ރެކޯޑިންގތަކާއި މެސެޖުތަކުގެ ސްކްރީންޝޮޓްތައް މިހާރު ވަނީ މީސްމީޑިއާގައި ފެތުރިފައެވެ.

ދައުރުވަމުންދާ ސްކްރީންޝޮޓްތަކުގައި އަނިޔާ ލިބުނު އަންހެންމީހާ އަށް މަރުގެ ހަމަލާތައް ވެސް ލިބިފައިވާ ކަމަށް ބުނެފައިވެއެވެ. އަދި މިފަދަ އަނިޔާވެރި ޢަމަލުތައް ހިންގާ މީހަކު ފުލުހުންގެ ޚިދުމަތުގައި އުޅުމަކީ ބަލައިނުގަނެވޭނެ ކަމެއްކަމަށް އޭނާ ވަނީ ބުނެފައެވެ. މީގެ އިތުރުން، މި މައްސަލަ ޤާނޫނީގޮތުން ބެލުމަށް އަނިޔާ ލިބުނު އަންހެންމީހާ ވަނީ ގޮވާލާފައެވެ. އަދި މި މައްސަލައިގައި އެކަށީގެންވާ ހެކި ހުރިކަމަށްވެސް އޭނާ ވަނީ ބުނެފައެވެ.

މި މައްސަލައާ ގުޅޭގޮތުން އިތުރު މަޢުލޫމާތު ހޯދުމަށް މޯލްޑިވްސް ޕޮލިސް ސަރވިސްއާ ގުޅުމުން، މައްސަލަ ތަޙުޤީޤު ކުރަމުންދާކަމަށާއި، ތަޙުޤީޤު ނިމުމުން އިތުރު މަޢުލޫމާތު ހިއްސާކުރާނެ ކަމަށް ބުނެފައިވެއެވެ.