ޔޫއެފާ ނޭޝަންސް ލީގުގެ ކުރިން ވަގުތީ ކޯޗު ލީ ކެސްލީ އިންގްލެންޑް ސްކޮޑަށް ޒުވާން ކުޅުންތެރިން ތައާރަފްކޮށްފި އެވެ.
އެގޮތުން ރިޕަބްލިކް އޮފް އަޔަލޭންޑާއި ފިންލޭންޑާ ދެކޮޅަށް ކުޅޭ މެޗުތަކަށް އޭނާގެ ކުރީގެ ޔޫތު ޓީމުގެ ބައެއް ކުޅުންތެރިން ސީނިއާ ސްކޮޑަށް ނެގިކަން ފާޙަގަ ކުރެވެއެވެ.
ޔޫރޯ 2024 އަށް ފަހު ގެރެތު ސައުތުގޭޓް ވަކިވުމާ ގުޅިގެން ކެސްލީ އޭނާގެ ޓީމު ޒުވާން ކުރަން މަސައްކަތް ކުރާއިރު، މަޑޫއެކޭ، ގިބްސް ވައިޓް، ގޯމޭޒް، އަދި ލިވްރަމެންޓޯ ފަދަ ކުޅުންތެރިން ސްކޮޑުގައި ހިމެނެ އެވެ. މިއީ މިދިޔަ އަހަރުގެ ޔޫރޯ ފައިނަލުގައި ސްޕެއިން އަތުން ބަލިވިފަހުން އިންގްލެންޑުން ނުކުންނަ ފުރަތަމަ މެޗެވެ. މީގެ އިތުރުން ޔޫރޯ 2024 ގެ ސްކޮޑުން ގެއްލުނު ޖެކް ގްރީލިޝް އަށް ވަނީ ވިދާލުމުގެ އިތުރު ފުރުސަތެއް ލިބިފައެވެ.
