ޔުކްރޭނުގެ ގުޅިފައިވާ ލަޝްކަރުން ރަޝިއާއަށް ދިން ޑުރޯން ހަމަލާގެ ރައްދުގައި ރަޝިޔާގެ ވަރުގަދަ ހަމަލާތަކެއް މިރޭ ޔުކްރޭނަށް ދެމުން އެބަދާކަމަށް ޚަބަރުތައް ލިބެއެވެ. 

ރަޝިޔާއިން މިހާރު ދެމުންދާ ވައިގެ ހަމަލާތަކުގައި ޔޫކްރޭންގެ ޚާރްކިވް ސިޓީން 41 މީހަކު ޒަޚަމްވެފައިވާ ކަމަށް ބީބީސީ ބުނެއެވެ.

ރީޖަނަލް ހެޑް އާއި ހަވާލާދީ ބީބީސީން ރިޕޯޓްކުރާ ގޮތުގައި ޒަޚަމްވި މީހުންގެ ތެރޭގައި ފަސް ކުޑަކުދިން ހިމެނެއެވެ. 

ރަޝިއާގެ އަސްކަރިއްޔާއިން ޔުކްރޭންގެ ޚާކިވްއަށް ހަމަލާދޭއިރު އަމާޒު ކުރަމުންދަނީ އާންމުން ދިރިއުޅޭ ތަންތަނަކަށް ނޫނެވެ. ހަބަރުތައް ބުނާ ގޮތުގައި ރަޝިއާއިން ހަމަލާ އަމާޒުކުރަމުންދަނީ ކަރަންޓު ވިއުގަ ތަކަށެވެ.

މީގެ އިތުރުން ރަޝިޔާގެ ސިފައިން އިރުމަތީ ޔޫކްރޭންގެ ރަށްތައް ވެސް ހިފައިފިއެވެ. ރަޝިއާ-ޔުކްރޭނު ހަބަރުތައް ގެނެސްދޭ މަސްދަރަކުން ރަޝިއާގެ ޑިފެންސް މިނިސްޓްރީއާއި ހަވާލާދީ ބުނި ގޮތުގައި ޕޮކްރޮވްސްކްގެ އިރުދެކުނު ދެ ރަށެއް ވަނީ އެ ސިޓީ ހިފުމަށް ކުރާ މަސައްކަތުގެ ތެރެއިން ރަޝިޔާގެ ކޮންޓްރޯލްގެ ދަށަށް ގޮސްފައެވެ. އެ ސަރަހައްދު ވަނީ ބޮޑެތި ހަނގުރާމަތަކުގެ ފޯކަލް ޕޮއިންޓަކަށް ވެފައިވާއިރު، ޔޫކްރޭންގެ އަސްކަރީ ކޮމާންޑަރު އޮލެކްސަންޑް ސިރްސްކީ ވަނީ އެ ހާލަތަކީ "ވަރަށް ނުރައްކާތެރި" ހާލަތެއްކަން ކަށަވަރުކޮށްދީފަ އެވެ.

މީގެ އިތުރުން ޔޫކްރޭންގެ ސިފައިން ވަނީ ހުޅަނގު ކަރސްކް ސަރަހައްދުގައި ކުރިއެރުންތަކެއް ހޯދައި، 100 އަވަށް ހިމެނޭ ގޮތަށް ގާތްގަނޑަކަށް 1،200 އަކަމީޓަރުގެ ބިމުގެ ސަރަހައްދެއް އަތުލާފައެވެ.