ފާއިތުވި މަހުގެ 5 ވަނަ ދުވަހާއި ހަމަށް ބަނގުލަދޭޝްގެ ބޮޑުވަޒީރު ކަމުގަައި ހުންނެވި ޝައިޚް ޙަސީނާގެ ޕާސްޕޯޓު ބަނގުލަދޭޝްގެ ވަގުތީ ސަރުކާރުން ކެންސަލު ކޮށްފައި މިވަނީ ، ބަނގުލަދޭޝްގެ ކިޔަވާކުދިން ޙަސީނާ ގެ ވެރިކަމާއި ދެކޮޅަށް ނިކުތުމާއި ގުޅިގެން ލޭއޮހޮރުވުންތަކެއް ހިނގާފައި ވަނިކޮށް ޤައުމު ދޫކުރެއްވުމަށް މަޖުބޫރުވެ އިންޑިޔާ އަށް ވަޑައިގެން އިންޑިޔާގެ ހިމާޔަތުގައި ހުންނަވަނިކޮށެވެ. 

ޙަސީނާ ގެ ޕާސްޕޯޓު ކެންސަލްކޮށްފައިވަނީ ފާއިތުވި ހަފްތާގައިކަމަށް ބީބީސީގައި ބުނެފަައިވެއެވެ.

އިންްޑިޔާގެ އިސް އޮފިޝަލުންނާއި ވާހަކަ ދެއްކުމަށް ފަހު ބީބީސީނ ބުނެފައިވަނީ، ޙަސީނާ އާއި މެދު ޢަމަލުކުރާނެ 3 އޮޕްޝަނަކާއި މެދު ވާހަކަ ދެކެވޭކަމަށެވެ.

ފުރަތަމަ އޮޕްޝަނަކީ 3 ޤައުމަކުން ހިމާޔަތް ލިބޭތޯ މަސައްކަތްކުރުމެވެ. އެގޮތުން ސަޢޫދީ އަރަބިއްޔާ އާއި އާއި ޤަޠަރު ސަރުކާރާއި ވާހަކަ ދެއްކިފައިވާކަމަށްވެއެވެ. 2 ވަނަ އޮޕްޝަނަކީ ރައްކާތެރި ފިޔަވަޅުތަކާއެކު އިންޑިޔާ ގައި މަޑުކުރެއްވުމުގެ އިންތިޒާމު ހަމަޖެއްސުމެވެ. ނަމަވެސް ޙަސީނާ އަށް އިންްޑިޔާ އިން ހިމާޔަތް ދީފިނަމަ ބަނގްލަދޭޝް ގެ ސަރުކާރުން ނުރުހުން ވެދާނެތީ އެއީ އެންމެ ރަނގަޅު ގޮތްކަމަށް އިންޑިޔާ އިން ނުދެކޭކަމަށް ވެއެވެ. 3 ވަނަ އޮޕްޝަނެއްކަމަށް ދެކެނީ ބަނގުލަދޭޝްގެ ޙާލަތު ހަމަޔަކަށްއެޅި ހަމަޖެހުން ޤާއިމުވުމުން ސިޔާސީ މަސައްކަތްތައް ކުރެއްވުމަށް ބަނގުލަދޭޝަށް ފޮނުވާލެއްވުމެވެ.

އޭރުން ޕާޓީ ގެ މަސައްކަތާއި އެކަމަނާއަށް އަލުން ޙަވާލުވެވޭނެކަމަށާއި އެއީ އިންޑިޔާ އަށް މަޞްލަޙަތު ބޮޑު ގޮތްކަމަށް އިންޑިޔާގެ އޮފިޝަލުން ދެކެއެވެ. 

ބަނގްލަދޭޝް ގެ މިހާރުގެ ސަރުކާރާއި މެދު އިންްޑިޔާ އިން ބުނަނީ ، ބަނގްލަދޭޝްގެ ބާރުތައް މިހާރު އޮތީ ދީނީ ފަރާތްތަކުގެ އަތްދަށުގައި ކަމަށެވެ. އެއީ އިންްްޑިޔާ ގެ މިހާރު ގެ ސަރުކާރުން ކަނބޮޑުވާކަމެއްކަމަށް އިންޑިޔާގެ އޮފިޝަލުން ވިދާޅުވެއެވެ. ބަނގްލަދޭޝްގެ ވަގުތީ ސަރުކާރާއި ޙަވާލުވެ ވަޑައިގެންނެވި ޕްރޮފެސަރު ޔޫނުސް ވަނީ ޙަސިނާގެ ވެރިކަމުގައި ސިޔާސީ ބޭނުމަށް އެތައް ބަޔަކު ޖަލަށްލައި ދީނީ ދަންނަ ބޭކަލުންނާއި ސިޔާސީ ފަރާތްތައް ދައްޖައްސައި އޭގެ އިތުރުން އެތައް ބަޔަކު ސިޔާސީ ބޭނުމަށް ނިޒާމުގެ ތެރެއިން ގެއްލުވާލާފައި ވާއިރު އިންޑިޔާއިން އެއްޗެއް ނުބުނެ ތިބުމުން އެކަމާއި ހިތްހަމަ ނުޖެހޭކަމަށް ވިދާޅުވެ ވާހަކަ ދައްކަވާފައެވެ. 

ބަނގްލަދޭޝް ގައި މިހާރު ދިމާވެގެން އުޅޭ ފެންބޮޑުވުމުގެ ހިތާމަވެރި ހާދިސާ ދިމާވުމަށް މެދުވެރިވި ސަބަބަކީ ބަނގްލަދޭޝްގެ އާ ސަރުކާރަށް ޖެއްސުން ކުރުމުގެ ގޮތުން އިންޑިޔާގެ ޑޭމެއް ގެ ފެން ދޫކޮށްލުން ކަމަށް ބަނގްލަދޭޝްގެ ރައްޔިތުން ބުނާކަން ފާހަގަކުރެވެއެވެ.