އެމެރިކާއިން ކިއުބާއާ ދެކޮޅަށް އަޅާފައިވާ އިޤްތިޞާދީ، މާލީ އަދި ވިޔަފާރީގެ ދަތިކުރުމުގެ ފިޔަވަޅުތަކާއި ޙިޞާރު ވަގުތުން ނިމުމަކަށް ގެނައުމަށް ގޮވާލާ ޚާއްޞަ ޤަރާރެއް އދ. ގެ ޢާންމު މަޖިލީހުން ބޮޑު އަޣްލަބިއްޔަތަކުން ފާސްކޮށްފިއެވެ. ބައިނަލްއަޤްވާމީ ދުނިޔޭގެ ތާއީދާއެކު ފާސްކުރި މި ޤަރާރަކީ އެމެރިކާގެ ހަމަހަމަކަމެއް ނެތް ސިޔާސަތުތަކާ ދެކޮޅަށް ދުނިޔޭގެ ޤައުމުތަކުން ދިން ވަރުގަދަ މެސެޖެކެވެ.
މި ވޯޓުގައި އދ. ގެ މެންބަރު ޤައުމުތަކުގެ ތެރެއިން 130 ޤައުމަކުން ވަނީ ޤަރާރު ފާސްކުރުމަށް ފުރިހަމައަށް ތާއިދުކޮށް ވޯޓު ދީފައެވެ. އެމެރިކާގެ މި ނުފޫޒާ ދެކޮޅަށް ވޯޓު ދިނީ އެންމެ 17 ޤައުމަކުންނެވެ. އަދި މަސްރަހުގައި ވަކިފަރާތަކަށް ޖެހެން ބޭނުންނުވި 25 ޤައުމަކުން ވަނީ ވޯޓު ދިނުމުން ވަކިވެ، ވަކިކޮޅަކަށް ވޯޓު ނުދީ ހިފަހައްޓާފައެވެ.
އދ. ގެ ބަޔާންތަކުން ދައްކާ ގޮތުގައި، އެމެރިކާއިން ކިއުބާއާ ދެކޮޅަށް ހިންގާ މި ޙިޞާރުގެ ސަބަބުން ކިއުބާގެ އިޤްތިޞާދަށާއި އެގައުމުގެ އާންމު ރައްޔިތުންގެ އަސާސީ ދިރިއުޅުމަށް އިންތިހާއަށް ބޮޑެތި ގެއްލުންތަކެއް ވަނީ ކުރިމަތިވެފައެވެ. ބައިނަލްއަޤްވާމީ ގިނަ ޖަމާއަތްތަކުން ވަނީ މިއީ އިންސާނިއްޔަތާ ޚިލާފަށް އެމެރިކާއިން ހިންގާ އިސްތިޢުމާރީ ބާރުވެރިކަމެއްގެ ގޮތުގައި ސިފަކޮށް، މި ފިޔަވަޅުތައް ވަގުތުން އުވާލުމަށް ގޮވާލާފައެވެ.
Advertisement
އދ. ގެ ޢާންމު މަޖިލީހުން ފާސްކުރާ މިފަދަ ޤަރާރުތަކަކީ އެއަށް އަމަލު ކުރުމަށް ޤާނޫނީ ގޮތުން މަޖުބޫރު ކަމެއް ނޫނެވެ. އެހެންކަމުން، މި ޤަރާރު ފާސްވީ ނަމަވެސް އެމެރިކާއިން ކިއުބާއަށް އަޅާފައިވާ ޙިޞާރު އުވާލާކަށް އދ. އަކަށް އެމެރިކާއަށް ސީދާ މަޖުބޫރެއް ނުކުރެވޭނެއެވެ.
