އީރާނަށް ހަމަލާތައް ދިނުން "މިހާރު ވަގުތީ ގޮތުން" ފަސްކޮށްފި ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ.
ރައީސް ޓްރަމްޕް މިކަން ހާމަކުރެއްވީ، ސަރަހައްދުގައި އީރާނާ އެމެރިކާއާ ދެމެދު ހިނގަމުންދާ ހަމަނުޖެހުންތަކާ ގުޅިގެން ހާލަތު އިތުރަށް ގޯސްވެދާނެ ކަމުގެ ކަންބޮޑުވުންތައް އުފެދިފައިވާ ދަނޑިވަޅެއްގައެވެ.
އީރާނު ހަނގުރާމަމުޅިން ހުއްޓުވުމަށް ޓަކައި ޤަޠަރުން މަސައްކަތް ކުރަމުންދާ ދަނޑިވަޅުގައި ޓްރަމްޕް ވިދާޅުވީ، ހަމަލާތައް ނުދީ ހައްލެއް ހޯދުމަށް މަސައްކަތް ކުރެއްވުމަށް ބޭނުންފުޅުވާ ކަމަށެވެ. މިކަމުގެ ސަބަބުން ސަރަހައްދުގައި ހަމަޖެހުން ގާއިމުވުމަށް އެދެވޭ އަސަރެއް ފޯރުމުގެ ފުރުސަތު އެބައޮތެވެ.
Advertisement
ޓްރަމްޕް މިހެން ވިދާޅުވީ ޔަމަނާއި ސައޫދީގެ މަސްރަހު ވެސް ހޫނުވެފައިވާ ދަނޑިވަޅެއްގައެވެ. ޙޫޘީން ގެންދަނީ ރިޔާޟަށް ހަމަލާ ދެމުންނެވެ. އިއްޔެ ރިޔާޟް ކައިރިން ވައްޓައިލި މިސައިލަކީ ޔަމަންގެ ހޫޘީ ހަނގުރާމަވެރިން ފޮނުވާލި މިސައިލެއް ކަމަށް ބެލެވެއެވެ. ސައޫދީ އަރަބިއްޔާގެ ޑިފެންސް ސިސްޓަމުން ވަނީ މި މިސައިލް ކާމިޔާބުކަމާއެކު ހުއްޓުވާލާފައެވެ. ޔަމަނުގައި ހިނގަމުންދާ ހަނގުރާމައާ ގުޅިގެން، ހޫޘީން އަންނަނީ ސައޫދީ އަރަބިއްޔާއަށް މިފަދަ ހަމަލާތައް ދެމުންނެވެ. މިފަދަ ހަމަލާތަކަކީ ސަރަހައްދީ ހަމަނުޖެހުންތަކަށް އިތުރު ހޫނުކަމެއް ގެނުވާ ކަންކަމެވެ.
