އެމެރިކާގެ ރައީސް ޑޮނަލްޑް ޓްރަމްޕް، އީރާނަށް އަމާޒުކޮށް އަނެއްކާވެސް ވަރުގަދަ އަސްކަރީ ހަމަލާތަކެއް ދީފާނެ ކަމުގެ އިންޒާރު ދެއްވައިފިއެވެ. އަދި ފާއިތުވި ތަނުގައި އެމެރިކާއިން ވަނީ އީރާނަށް ފޫނުބެއްދޭވަރުގެ ބޮޑެތި ގެއްލުންތަކެއް ދީ، އެ ޤައުމު "ފުނޑުފުނޑުކޮށްލާފައި" ކަމަށް އޭނާ ވިދާޅުވެއްޖެއެވެ.
ޓްރަމްޕް މި މޭރުމުން ވާހަކަދެއްކެވީ ދާދިފަހުން ބޭއްވި ސިޔާސީ އެއްވުމެއްގައި ސަޕޯޓަރުންނާ މުޚާތަބު ކުރައްވަމުންނެވެ. އޭނާ ވިދާޅުވީ، އީރާނުގެ ފަރާތުން އެމެރިކާއަށާއި އެމެރިކާގެ މަސްލަހަތުތަކަށް ކުރިމަތިވާ ނުރައްކާތަކަށް އެމެރިކާއިން ފަސްޖެހުމެއް ނެތި ހަރުކަށި ރައްދު ދޭނެ ކަމަށެވެ. އަދި އޭނާގެ ވެރިކަމުގައި އީރާނުގެ ނުރައްކާތައް ކޮންޓްރޯލް ކުރުމަށް އެޅުއްވި ފިޔަވަޅުތަކަށް އަލިއަޅުއްވާލައްވަމުން، އެމެރިކާގެ އަސްކަރީ ބާރުގެ ބޭނުންކޮށްގެން އީރާނަށް ދިން ހަމަލާތަކަކީ އެ ޤައުމަށް ލިބުނު ވަރަށް ބޮޑު ނިކަމެތިކަމެއް ކަމުގައި ޓްރަމްޕް ސިފަކުރެއްވިއެވެ.
މީގެއިތުރުން، މެދުއިރުމަތީގެ މިހާރުގެ މަސްރަޙަށް އިޝާރާތް ކުރައްވަމުން ޓްރަމްޕް ވިދާޅުވީ، އީރާނުން އެ ސަރަޙައްދުގައި ހަމަނުޖެހުން އުފެއްދުމަށް ކުރާ މަސައްކަތްތައް ހުއްޓުވުމަށްޓަކައި އަދިވެސް އިތުރު ހަމަލާތަކެއް ދޭންޖެހިދާނެ ކަމަށެވެ.
