ޙޫޘީންގެ ސިލްސިލާ ހަމަލާތަކުގައި ސައޫދީ އަރަބިއްޔާގެ އެއާޕޯޓުތަކުން ޖުމްލަ 20 މީހުން މަރުވެއްޖެއެވެ. ރިޔާޟް އެއާޕޯޓުން މަރުވި 18 މީހުންގެ އިތުރުން ބާކީ 2 މީހުން މަރުވީ އެ ގައުމުގެ ދެކުނުގައި ހުންނަ އަބްހާ އިންޓަނޭޝަނަލް އެއާޕޯޓަށް ދިން ހަމަލާގައި ކަމަށް ވެސް ސައޫދީން ބުނެއެވެ.
އޮކްޓޯބަރު މަހުގެ 6 އާއި 7 ވަނަ ދުވަހާއި ދެމެދު ހޫތީން އެއްވަގުތެއްގައި ރިޔާޟް އަދި އަބްހާ އެއާޕޯޓަށް ދިން ކްރޫޒް މިސައިލާއި ޑްރޯން ހަމަލާތަކުގައި، އަބްހާ އެއާޕޯޓުން އަލްޖީރިއާ އަދި މޮރޮކޯއަށް ނިސްބަތްވާ ދެ އަންހެން ފަތުރުވެރިން މަރުވެ، އިތުރު 28 މީހުން ވަނީ ޒަޚަމްވެފައެވެ.
މި މަސްތެރޭ ހޫޘީން ޖުމްލަ ފަސް އެއާޕޯޓަކަށް (ރިޔާޟް، އަބްހާ، ދައްމާމް، ޖާޒާން، އަދި ނަޖްރާން) ދިހަޔަކަށްވުރެ ގިނަ ހަމަލާ އަމާޒުކޮށްފައިވީ ނަމަވެސް، މީހުން މަރުވާ ފަދަ ނުރައްކާތެރި ބޮޑެތި ގެއްލުންތައް ލިބިފައިވަނީ ހަމައެކަނި ރިޔާޟް އަދި އަބްހާ އެއާޕޯޓަށް ދިން ހަމަލާތަކުގައެވެ.
Advertisement
ހޮނިހިރު ދުވަހުގެ ހަމަލާގައި އެކަނިވެސް 13 މީހުން މަރުވިއިރު، އޮކްޓޯބަރު 6 ގައި އެކަކު، އޮކްޓޯބަރު 8 ގައި ތިން މީހުން، އަދި އާދީއްތަ ދުވަހު ދިން ހަމަލާގައި ޕާކިސްތާނުގެ ރައްޔިތަކު ވަނީ މަރުވެފައެވެ. މީގެ އިތުރުން އެމެރިކާ، ބަންގްލަދޭޝް، މިސްރު، ސޫދާން އަދި އިންޑިއާ ފަދަ ގައުމުތަކުގެ މަސައްކަތްތެރިންނާއި ފަސިންޖަރުން ވެސް މަރުވި މީހުންގެ ތެރޭގައި ހިމެނޭއިރު، މިއީ ރިޔާޟް އެއާޕޯޓަށް އަމާޒުކޮށް ފާއިތުވި އަހަރުތަކުގައި ދިން އެންމެ ލޭއޮހޮރުވުން ބޮޑު ހަމަލާތަކެވެ.
ޔަމަންގެ ހަނގުރާމައިގައި ސައުދީން ބައިވެރިވާތީ، ހޫޘީ ޖަމާޢަތުން ވަނީ ސައުދީ އަރަބިއްޔާއަށް މިސައިލާއި ޑްރޯން ބޭނުންކޮށްގެން ގިނަ ހަމަލާތަކެއް ދީފައެވެ. މި ހަމަލާތަކުގެ ތެރޭގައި ސައުދީގެ މުހިންމު ތަންތަނަށް އަމާޒުކޮށްދޭ ހަމަލާތައް ހިމެނެއެވެ. ކިންގް ޚާލިދު އެއާޕޯޓަކީ ސައުދީގެ އެންމެ ބޮޑެތި އަދި މުހިންމު އެއާޕޯޓުތަކުގެ ތެރޭގައި ހިމެނޭ ތަނެކެވެ.
