ދިވެހިރާއްޖޭގެ މީހުން ދިރިއުޅޭ ހުރިހާ ރަށެއްގައި އައުޓްޑޯ ޖިމް ގާއިމުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެވަޑައިގެންފައިވާ ރިޔާސީ ވައުދުފުޅު ފުއްދެވުމަށް އެހީތެރިވެދިނުމުގެ ގޮތުން، ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހަތް ރަށެއްގައި އައުޓްޑޯ ޖިމް ގާއިމުކޮށް ނިންމާލައިފިއެވެ.
ނެޝަނަލް ފިޓްނަސް ޕްލޭނާ އެއްގޮތަށް، ރައްޔިތުންގެ މެދުގައި ކަސްރަތު ކުރުމުގެ ޝައުގުވެރިކަން އިތުރުކޮށް، ދުޅަހެޔޮ މުޖުތަމައުއެއް ބިނާކުރުމުގެ މަގުސަދުގައި ސަރުކާރުން ކުރިއަށްގެންދާ މި މަޝްރޫއުގެ ދަށުން ގާއިމުކުރާ މި ޖިމްތަކުގައި ހުންނާނީ ފެންވަރު ރަނގަޅު ޒަމާނީ އިކުއިޕްމަންޓްތައް ކަމަށް އެޗްޑީސީން މައުލޫމާތުދެއެވެ.
އެޗްޑީސީން ޖިމް ގާއިމުކޮށް ނިންމާފައިވާ 7 ރަށަކީ:
Advertisement
އއ. ފެރިދޫއއ. އުކުޅަސްއދ. ދިގުރަށްއދ. ފެންފުށިއދ. މާމިގިލިއދ. މަންދޫބ. ގޮއިދޫމި މަޝްރޫއުގެ ދަށުން މިހާތަނަށް ނުނިމި ހުރި އެހެން ރަށްރަށުގެ ޖިމްތަކުގެ މަސައްކަތްތައް ވެސް ކަނޑައެޅިފައިވާ ޝެޑިއުލާ އެއްގޮތަށް ނިންމާލުމަށް އެޗްޑީސީން ދަނީ ބާރުމިނުގައި މަސައްކަތްކުރަމުންނެވެ.
މިއީ އެ ކުންފުނީގެ އިޖުތިމާއީ ޒިންމާ (ސީއެސްއާރު) ގެ ދަށުން ކުރިއަށްގެންދާ މުހިންމު މަސައްކަތްތަކެއް ކަމަށާއި، ކުރިމަގުގައި ވެސް މުޖުތަމައުއަށް ފައިދާހުރި މިފަދަ ގިނަ މަޝްރޫއުތަކެއް ހިންގުމަކީ ކުންފުނީގެ މައިގަނޑު އެއް އަމާޒު ކަމަށް އެޗްޑީސީން ފާހަގަކުރެއެވެ. މިހާރު ވެސް އެޗްޑީސީން އަންނަނީ މުޖުތަމައުއަށް ލާބަޔާއި މަންފާ ލިބޭނެ ގިނަ ސީއެސްއާރު ޕްރޮގްރާމްތަކާއި ޕްރޮޖެކްޓްތައް ރާވައި ހިންގަމުންނެވެ.
