މަޝްރޫއެއް ފެށުމުގެ ގޮތުން ދައުލަތަށް ލިބޭ އެކުއިޒިޝަން ކޮސްޓަކީ އެ މަޝްރޫއެއްގެ އަގާއި އޭގެ ސަބަބުން ގައުމަށް ކުރާނެ ފައިދާ ވަޒަންކޮށްދޭ މުހިންމު މިންގަނޑެކެވެ. މިގޮތުން ބަލާއިރު، ކުރީގެ ސަރުކާރުތަކުން ފަޅުތައް ކުއްޔަށް ދޫކޮށްގެން ދައުލަތަށް ހޯދާފައިވާ އެކުއިޒިޝަން ކޮސްޓާ އަޅާބަލާއިރު، ރަސްމާލެ މަޝްރޫއުން ދައުލަތަށް ލިބިފައިވާ އަގަކީ މީގެ ކުރިން ދުވަހަކުވެސް ރާއްޖޭގެ ތާރީޚުގައި ދެކެފައިނުވާ ފަދަ ބޮޑު އަދަދެކެވެ.

ޔާމީނު ދޫކުރި ފަޅުތަކާއި ސޯލިހު ދޫކުރި ފަޅުތަކާއި އަދި އެދެބޭފުޅުންގެ ސަރުކާރުތަކުން އާންމުކޮށްފައިވާ ރަސްމީ ހިސާބުތަކަށް ބަލާއިރު، ޕީޕީއެމް ވެރިކަމުގައި އެނބޫދޫ ފިނޮޅުން އެކުއިޒިޝަން ކޮސްޓުގެ ގޮތުގައި ލިބުނީ 40 މިލިއަން ޑޮލަރެވެ. އަދި އެމްޑީޕީ ވެރިކަމުގައި އައިލާ މަޝްރޫއުން 27 މިލިއަން ޑޮލަރު ލިބުނުއިރު، އަމާން މަޝްރޫއުން ލިބުނީ 38 މިލިއަން ޑޮލަރެވެ.

ނަމަވެސް ރައީސް މުޢިއްޒުގެ ވެރިކަމުގައި ޕީއެންސީ ސަރުކާރުގެ ރަސްމާލެ މަޝްރޫއާ ގުޅިގެން ޑިވެލޮޕަރުންގެ ފަރާތުން ހުޅުމާލޭގައި 5،000 ހައުސިން ޔުނިޓް އެޅުމަށް އެޑްވާންސްގެ ގޮތުގައި 500 މިލިއަން ޑޮލަރު ވަނީ ކަނޑައެޅިފައެވެ.

މި ފަރަގުން އެކަނިވެސް އެނގެނީ ރަސްމާލެ މަޝްރޫއަކީ ކުރީގެ މަޝްރޫއުތަކަށްވުރެ މާ ބޮޑުތަންވެސް ކުރީގައި އޮތް، އަދި ދައުލަތަށް މާ ގިނަ ފައިސާ ލިބިދޭ މަޝްރޫއެއް ކަމެވެ.

40 މިލިއަނާއި 500 މިލިއަން ޑޮލަރުގެ މި ބޮޑު ފަރަގަކީ ރަސްމާލެ މަޝްރޫއުގެ ސަބަބުން ދިވެހި ދައުލަތަށާއި ރައްޔިތުންނަށް ލިބޭނެ މާލީ މަންފާއެވެ. ކުރިއެރުމެވެ.