ރަޝިޔާއާއި ޔުކްރޭނާ ދެމެދު ކުރިއަށްދާ ވަރުގަދަ ހަނގުރާމައިގެ ފްރަންޓްލައިންތަކުގައި މިހަފްތާގެ ތެރޭގައި ޔުކްރޭނުގެ 12,000 އެއްހާ ސިފައިން ނައްތާލެވިފައިވާ ކަމަށް ރަޝިޔާގެ ދިފާއީ ވުޒާރާއިން މިއަދު ބުނެފިއެވެ. ރަޝިޔާގެ އަސްކަރީ ބްރީފިންގްތަކުން ހާމަކޮށްފައިވާ ގޮތުގައި، މި އަދަދަކީ ކޫރްސްކް ސަރަހައްދާއި ޑޮނެޓްސްކްގެ އިތުރުން ހަނގުރާމައިގެ އެކި މައިދާންތަކުގައި ޔުކްރޭނަށް ލިބުނު ޖުމްލަ ގެއްލުންތަކުގެ (މަރުވި އަދި ޒަޚަމްވި ސިފައިންގެ) އަންދާޒާއެކެވެ. މޮސްކޯއިން ބުނާ ގޮތުގައި މިހަފްތާގައި ދިން ވައިގެ ވަރުގަދަ ހަމަލާތަކުގައި ޔުކްރޭނުގެ އަސްކަރީ ކޮމާންޑް ސެންޓަރުތަކާއި ހަތިޔާރު ގުދަންތަކަށް ވަނީ ބޮޑެތި ގެއްލުންތަކެއް ދީފައެވެ.
ރަޝިޔާއިން ހާމަކުރި މި ތަފާސްހިސާބުތަކާ ގުޅިގެން ޔުކްރޭނުގެ އަސްކަރިއްޔާއިން ރަސްމީކޮށް ވަކި އެއްޗެއް ބުނެފައެއް ނުވެއެވެ. ހަނގުރާމައިގެ ޕްރޮޕަގަންޑާގެ ބައެއްގެ ގޮތުގައި ދެފަރާތުންވެސް ލިބޭ ގެއްލުންތަކުގެ އަދަދުތައް މީޑިއާތަކަށް ތަފާތުކޮށް ހާމަކުރަމުންދާއިރު، މިފަދަ ހިސާބުތަކުގެ ޞައްޙަކަން މިނިވަން ބައިނަލްއަޤުވާމީ މަސްދަރުތަކުން އަދި ކަށަވަރުކުރެވިފައެއް ނުވެއެވެ. ޔުކްރޭނުން ތަކުރާރުކޮށް ބުނަމުންދަނީ ޔުކްރޭނަށް ދޭ ގެއްލުންތަކާއި ބެހޭ ގޮތުން ރަޝިޔާއިން ވާހަކަތައް ފަތުރަނީ ދައްކަނީ އޮޅުވާލައިގެ ކަމަށާއި، ހަގީގަތުގައި ބޮޑެތި ގެއްލުންތަކެއް ވަމުންދަނީ ރަޝިޔާގެ ސިފައިންނަށް ކަމަށެވެ.
މިހަމަލާތަކާއި ގުޅިގެން ޔުކްރޭނުގެ ރައީސް ވޮލޮޑިމީރް ޒެލެންސްކީ ވަނީ ރަޝިޔާގެ އެތެރޭގެ އަސްކަރީ އަމާޒުތަކަށް ރައްދު ހަމަލާ ދިނުން ހުއްޓާނުލާނެ ކަމަށް ވިދާޅުވެފައެވެ. މިހަފްތާގައި ދެޤައުމުގެ ދެމެދުގައި ބަދަލުކުރެވުނު ވައިގެ ހަމަލާތަކަކީ ފަހަކަށް އައިސް ހިނގި އެންމެ ނުރައްކާތެރި ކުރިމަތިލުންތަކަށް ވާއިރު، ޔުކްރޭނުގެ ޖާސޫސީ އިދާރާތަކުގެ ދެމެދުގައި ވެސް ހަމަލާތައް ބަދަލުކުރެވުނުކަން ފާހަގަ ކުރެވެއެވެ.
