އިމްތިހާން ފީ ނުވަތަ އެނޫންވެސް އެފަދަ ހިދުމަތްތަކަށް އޮންލައިންކޮށް ފައިސާ ދެއްކުމުގައި ދިމާވާ ދަތިތަކަށް ހައްލު ހޯދައިދިނުމުގެ ގޮތުން ބޭންކް އޮފް މޯލްޑިވްސް (ބީއެމްއެލް) އިން މިއަދު ހާއްސަ އިރުޝާދުތަކެއް ނެރެފިއެވެ.
ބީއެމްއެލް އިން މިއަދު އާންމުކުރި މައުލޫމާތުގައި، އިމްތިހާން ފީ ފަދަ ހިދުމަތްތަކަށް ފައިސާ ދައްކާއިރު ކަސްޓަމަރުންނަށް އެއްވެސް މައްސަލައެއް ދިމާވެއްޖެ ނަމަ އަމަލުކުރަންޖެހޭ ގޮތްތަކާއި، ބޭންކުގެ އެހީތެރިކަން ހޯދާނެ ގޮތުގެ ތަފްސީލީ މައުލޫމާތު ވަނީ ހިއްސާކޮށްފައެވެ.
މީގެ ތެރޭގައި ޕޭމަންޓް ފެއިލްވެއްޖެ ނަމަ ނުވަތަ އެހެންވެސް މައްސަލައެއް ދިމާވެއްޖެ ނަމަ އަމަލުކުރަންވީ ގޮތްތައް ވަރަށް ސާފުކޮށް ބަޔާންކޮށްފައިވެއެވެ. ހާއްސަކޮށް އައިއީއެލްޓީއެސް ފަދަ އިމްތިހާންތަކުގެ ފީ ދެއްކުމުގައި ދިމާވާ މައްސަލަތަކަށް މި މައުލޫމާތުގައި އަލިއަޅުވާލާފައިވެއެވެ. ބޭންކުގެ މަގްސަދަކީ ކަސްޓަމަރުންނަށް ފަސޭހަކަމާއެކު މުއާމަލާތްތައް ނިންމާލުމަށް އެހީތެރިވެދީ، އޮންލައިން ބޭންކިންގްގެ ތަޖުރިބާ އިތުރަށް ފުރިހަމަކޮށްދިނުމެވެ.
Advertisement
ބޭންކުން ވަނީ ބަޔާންކޮށްފައިވާ ފިޔަވަޅުތަކަށް އަމަލުކުރުމަށްފަހުވެސް މައްސަލަ ހައްލުނުވާނަމަ، ބީއެމްއެލްގެ ސަޕޯޓް ޗެނަލްތައް މެދުވެރިކޮށް ގުޅުމަށް ކަސްޓަމަރުންނަށް އިރުޝާދު ދީފައެވެ.
