ރިސޯޓު ހެދުމަށް ހުޅުވާލި ރަށްތަކުގެ ލިސްޓަށް ބަދަލުގެނެސްފި

ރާއްޖޭގައި ރިސޯޓު ތަރައްޤީކުރުމުގެ ފުރުޞަތު ހުޅުވާލައި މިދިޔަ މެއި މަހުގެ 30 ވަނަ ދުވަހު ކުރި ޢިއުލާނުގައިވާ ރަށްތަކުގެ ލިސްޓަށް ޓޫރިޒަމް މިނިސްޓްރީން ބަދަލުގެނެސްފިއެވެ.

ޓޫރިޒަމް މިނިސްޓްރީން ކުރި ޢިއުލާނުގައި ބުނެފައިވަނީ ރިސޯޓު ތަރައްޤީކުރުމަށް ދޫކުރުމަށް ކަނޑައަޅާފައިވާ ރަށްރަށާއި ފަޅުތަކުގައި ފަތުރުވެރިކަން ތަރައްޤީކުރުމަށް ޝައުޤުވެރިވާ ފަރާތްތަކުން ޕްރޮޕޯސަލް ހުށަހެޅުމަށް ކުރެވުނު ޢިއުލާނަށް އިތުރު އިސްލާޙެއް ގެނެސްފައިވާ ކަމަށެވެ.

އެގޮތުން އެ ޢިއުލާނުގެ ދަށުން ޝާއިޢުކުރެވިފައިވާ ރަށްރަށާއި ފަޅުތަކުގެ ލިސްޓުން ތިން ތަނެއް އުނިކޮށްފައިވާ ކަމަށާއި، އެ ލިސްޓަށް ރ. ޅާނބުގަލި އިތުރުކޮށްފައިވާ ކަމަށް ޓޫރިޒަމް މިނިސްޓްރީން ބުންޏެވެ.

ލިސްޓުން އުނިކުރި ތިން ތަނަކީ ވ. އަތޮޅުން ރިސޯޓު ހެދުމަށް ކުއްޔަށް ކަނޑައެޅި ފަޅާއި، ޅ. ވިހަވަރު ފިނޮޅާއި، ލ. ހަންހުއްޓެ އެވެ.

ޓޫރިޒަމް މިނިސްޓްރީން ގެނައި ބަދަލާއެކު އެ ލިސްޓުގައި މިހާރު ހިމަނާފައިވަނީ:

- ހދ. ވައިކަރަމުރައިދޫ - 15 ހެކްޓަރުގެ ބިން

- ށ. ކުޑަޅައިމެންދޫ - 13.11 ހެކްޓަރުގެ ބިން

- ރ. ދިއްކުރެއްދޫ - 4.83 ހެކްޓަރުގެ ބިން

- ރ. ޅާނބުގަލި - 2.66 ހެކްޓަރު

- ޅ. ދިއްފުށި (ޅ. މައިދޫއާ އެކު) - 15.17+20.99 ހެކްޓަރު

- ޅ. ވިހަފަރުފިނޮޅު - 0.28 ހެކްޓަރު

- ކ. ހިއްމިއްޔާ ފަޅު - 712 ހެކްޓަރު

- ކ. އަތޮޅުގެ ފަޅެއް - 45 ހެކްޓަރު

- އއ. އަލިކޮއިރަށް - 1.47 ހެކްޓަރު

- ތ. ގާލީ (އެ އަތޮޅުގެ އެހެން ރަށަކާ އެކު) - 6.96 އާއި 0.20 ހެކްޓަރ

- ތ. ރުއްތިބިރަށް - 8.41 ހެކްޓަރު

- ތ. ކަނިމީދޫ - 10 ހެކްޓަރު

- ލ. ކަށިދޫ - 3.11 ހެކްޓަރު

- ލ. ބޮޑުމުންޏަފުށި - 3.14 ހެކްޓަރު

- ލ. ހަންހުށި - 2.81 ހެކްޓަރު

- ގއ. ބޭރުމައުޑޫ - 3.08 ހެކްޓަރު

- ގދ. ކަޅެހުއްޓާ - 7.61 ހެކްޓަރު

ޓޫރިޒަމް މިނިސްޓްރީން ބުނީ މި ލިސްޓާއި ގުޅޭ ގޮތުން އިތުރު މަޢުލޫމާތު ބޭނުންވާނަމަ މިނިސްޓްރީގެ އީމެއިލް proposals@tourism.gov.mv އަށް އީމެއިލް ކޮށްގެން ސާފުކުރެވޭނެ ކަމަށެވެ. އަދި ޕްރޮޕޯސަލް ފޯމު އެ މިނިސްޓްރީގެ ވެބްސައިޓުން ލިބެން ހުންނާނެ ކަމަށް ބުންޏެވެ.