ގްރޫޕްގެ އެއްވަނަ ހޯދުމަށް އެމްބާޕޭ ކުޅޭ ފޯރިގަދަ މެޗު މިރޭ

ގްރޫޕް އައި ގެ އެއްވަނަ ހޯދުމަށް ފްރާންސާއި ނޯވޭ ބައްދަލުކުރާ ފޯރިގަދަ މެޗު މިރޭ އެމެރިކާގެ ބޮސްޓަން ސްޓޭޑިއަމްގައި ކުޅޭނެއެވެ. ދެ ޓީމުވެސް މިހާރު ވަނީ ކުޅުނު ދެ މެޗުން މޮޅުވެ، ގަދަ 32 ގެ ބުރުން ޖާގަ ކަށަވަރުކޮށްފައެވެ. މިރޭގެ މެޗަކީ ގްރޫޕްގެ އެއްވަނަ ޓީމު ކަނޑައަޅާނެ ފައިނަލް ކުރިމަތިލުމެވެ.

ދެ ޓީމުގެ ކުރީގެ ކުރިމަތިލުންތައް

މިއީ ވޯލްޑް ކަޕްގެ ތާރީޚުގައި މި ދެ ޓީމު ބައްދަލުކުރާ ފުރަތަމަ ފަހަރެވެ. ނަމަވެސް ބައިނަލްއަގުވާމީ އެކުވެރިކަމުގެ މެޗުތަކާއި ކޮލިފައިންގްގައި މީގެ ކުރިން 15 ފަހަރު ބައްދަލުކޮށްފައިވެއެވެ. އޭގެތެރެއިން ފްރާންސް މޮޅުވީ 7 މެޗުންނެވެ. ނޯވޭ މޮޅުވީ 4 މެޗުންނެވެ. އަނެއް 4 މެޗު ނިމުނީ އެއްވަރު ވެގެންނެވެ. މި ދެޤައުމުގެ އެންމެ ފަހުގެ ކުރިމަތިލުން ފެނުނީ 2014 ވަނަ އަހަރުގައެވެ. އެފަހަރު ކުޅުނު އެކުވެރިކަމުގެ މެޗުގައި ފްރާންސް ވަނީ 4-0 އިން ނޯވޭ ބަލިކޮށްފައެވެ.

އެޑްވާންޓޭޖް އޮތީ ފްރާންސަށް:

ކީލިއަން އެމްބާޕޭ އަކީ ނޯވޭ އަށް އޮތް އެންމެ ބޮޑު ބިރެވެ. މި މުބާރާތުގައި މިހާތަނަށް 4 ގޯލް ޖަހާފައިވާ އެމްބާޕޭ ހުރީ ވަރަށް ވަރުގަދަ ފޯމެއްގައެވެ. ގޯލުގެ ތަފާތުން ކުރީގައި އޮތުމުން ފްރާންސަށް އެއްވަނަ ހޯދަން މިރޭ އެއްވަރުކޮށްލުން ފުދެއެވެ.

ކޯޗު ނެތުން:

ފްރާންސްގެ ކޯޗު ޑިޑިއޭ ޑެޝޯމްޕްސްގެ މަންމަ ނިޔާވުމާ ގުޅިގެން އޭނާ ހުރީ ގައުމުގައެވެ. މިރޭ ޓީމަށް އިރުޝާދުދޭނީ އެސިސްޓަންޓް ކޯޗެވެ.. އަނެއްކޮޅުން މުހިންމު ޑިފެންޑަރު ވިލިއަމް ސަލީބާއަށް އަނިޔާވެ މިރޭ ނުކުޅެވޭނެއެވެ.

ނޯވޭގެ އެޑްވާންޓޭޖާއި ނުރައްކާތައް:

ފްރާންސްގެ ޑިފެންސަށް އޮތް އެންމެ ބޮޑު ބިރަކީ ހާލަންޑް އެވެ. އޭނާ ވެސް ވަނީ މިހާތަނަށް 4 ގޯލް ޖަހާފައެވެ. މިޑްފީލްޑްގައި ހުރެގެން ހާލަންޑަށް ފުރުސަތުތައް ތަނަވަސްކޮށްދޭން އޮޑެގާޑްގެ ދައުރު ބޮޑުވާނެއެވެ.

ފޯމު:

ނޯވޭ އޮތީ އެންމެ ފަހުން ކުޅުނު 18 މެޗުގެ ތެރެއިން 14 މެޗުން މޮޅުވެ ރަނގަޅު ފޯމެއްގައެވެ.

ވޯލްޑް ކަޕް ތާރީޚުގައި ޔޫރަޕްގެ އެއްވެސް ޓީމެއް އަތުން ނޯވޭ މިހާތަނަށް މޮޅުވެފައެއް ނުވެއެވެ.