އިސްރާއީލުން ހައްޔަރުކުރި ގްލޯބަލް ޞުމޫދު ފްލޮޓިލާގެ އެތައް ސަތޭކަ އެކްޓިވިސްޓުން އަނބުރާ އެ މީހުންގެ ގައުމުތަކަށް ގެންދިޔުމަށް ކުރަމުންދާ މަސައްކަތުގެ ތެރެއިން 422 މީހަކު ތުރްކިޔޭގެ އިސްތަންބޫލަށް ގެންގޮސްފިއެވެ. މި މީހުން ގެންދިޔައީ ތުރްކިޔޭ އަށް ގެންދިޔައީ ޓާކިޝް އެއާލައިންގެ ޗާޓަރު ފުލައިޓެއްގައެވެ.

ތުރުކީވިލާތުން ފުރައިގެން ޣައްޒާއާ ދިމާއަށް ދަތުރުކުރި އުޅަނދުތައް ހުއްޓުވުމަށް ފަހު އިސްރާއީލުގެ ސިފައިން ވަނީ 428 އާއި 430 އާ ދެމެދުގެ އެކްޓިވިސްޓުން ހިފަހައްޓާފައެވެ.

އިސްތަންބޫލަށް މިއަދު ލޭންޑް ކުރި ފުލައިޓުގައި ތިބީ އިޒުރޭލުން ޑީޕޯޓް ކޮށްލި 422 އެކްޓިވިސްޓުން ކަމަށާއި އޭގެތެރޭގައި ތުރްކިޔޭގެ 85 މީހުން ހިމެނޭ ކަމަށް ހަބަރުތައް ބުނެއެވެ.

މި ފްލޮޓިލާގައި ގާތްގަނޑަކަށް 45 ގައުމަކުން ބައިވެރިން ބައިވެރިވެފައިވާއިރު، ކޯޑިނޭޓްކޮށްގެން ޑިޕޯޓް ކުރުމުގެ މަރުހަލާގެ ތެރެއިން ތުރުކީވިލާތް މެދުވެރިކޮށް ސްޕެއިންގެ 44 ރައްޔިތުން ބަދަލުކުރާނެ ކަމަށް ސްޕެއިން އިން ވަނީ މިއަދު ކަށަވަރުކޮށްދީފަ އެވެ.

ބަންދުކޮށްފައިވާ މީހުންގެ ތެރޭގައި ތުރުކިޔޭގެ 78 މީހުންނާއި ސްޕެއިން 44 މީހުން ހިމެނޭއިރު، ދެން ހިމެނެނީ އިޓަލީ، ފްރާންސް، ޖަރުމަނު، ގްރީސް، އަދި ލެޓިން އެމެރިކާ އަދި އޭޝިއާގެ ބައެއް ގައުމުތަކުގެ މީހުންނެވެ.