ލުބުނާނުގެ ދެކުނުގައި ތިބި އިސްރާއީލުގެ ސިފައިންގެ ކޮންޓްރޯލް ރޫމަށް ހަމަލާދީ އެތަން ގޮއްވާލައިފި ކަމަށް ހިޒްބުالله އިން ބުނެފިއެވެ.
އެ ޖަމާއަތުން ބުނާ ގޮތުގައި ޑްރޯން ބޭނުން ކޮށްގެން މި ހަމަލާ ދީފައި ވަނީ ރޭ ގެ ވަގުތެއްގައި އަލްބައްޔާޟާގައި ކަމަށާއި، މި ހަމަލާގައި އެތަނުގައި އަލިފާން ރޯވެ، އެ ސަރަހައްދުގައި އިސްރާއީލުގެ އަސްކަރީ ގާބިލްކަމަށް ވަރަށް ބޮޑު ގެއްލުމެއް ލިބުނު ކަމަށެވެ.
މީގެ އިތުރުން ރޭ ވަކިން ހިންގި އޮޕަރޭޝަނެއްގައި ހިޒްބުالله އިން ރިޕޯޓްކޮށްފައިވާ ގޮތުގައި ގަންތާރާގައި އިސްރާއީލުގެ ކޮމާންޑް ވެހިކަލަކަށް ވެސް ޑްރޯން ބޭނުންކޮށްގެން ހަމަލާދީ ގޮއްވާލާފައި ވެއެވެ.
Advertisement
ހިޒްބުالله އިން ބުނީ އެ މީހުންގެ ވައިގެ ދިފާއީ ޔުނިޓްތަކުން އަލްމަންސޫރީގައި ތިބި އިސްރާއީލުގެ ސިފައިންނަށް ވެސް ހަނަލާ ދީފައިވާ ކަމަށެވެ.
މި 3 ރަށަކީ ވެސް ލުބުނާނުގެ އައްސޭރިފަށުގައިވާ ރަށްތަކެވެ. ބޯޑަރު ހުރަސްކޮށް މި ރަށްތަކަށް ޔަހޫދީ ގިނަ ސިފައިން ވަދެފައި ވަނީ ސީރިއާ ހުރަސްކޮށްގެންނެވެ.
