އެސްޓީއޯ ޕީޕަލްސް ޗޮއިސް ރަމަޒާން ބާޒާރު 2026ގެ ނަސީބުވެރި ފަރާތް ހޮވުމަށް ބޭއްވި ލަކީ ޑްރޯ ނަގައިފިއެވެ.
މި ގުރުއަތުލުން ކުރިއަށް ގެންގޮސްފައިވަނީ 31 މާޗު 2026 ވީ އަންގާރަ ދުވަހު، އެސްޓީއޯ ޕީޕަލްސް ޗޮއިސް މާލެ އައުޓްލެޓްގައެވެ. މި ލަކީ ޑްރޯގައި އެސްޓީއޯ ރަމަޒާން ބާޒާރު ޕްރޮމޯޝަނަށް ކަނޑައަޅާފައިވާ 100,000 ރުފިޔާގެ ބޮޑު އިނާމު ލިބޭ ނަސީބުވެރި ފަރާތް ވަނީ ހޮވާފައެވެ. މި އަގުހުރި އިނާމުގެ ނަސީބުވެރި ފަރާތަކަށް ހޮވިފައިވަނީ ހުސައިން އަމްޖަދެވެ.
އެސްޓީއޯ އިން މި އަހަރުގެ ރަމަޟާން މަހާ ގުޅިގެން ބޭއްވި މި ޕްރޮމޯޝަން ކުރިއަށް ދިޔައީ 15 ޑިސެމްބަރު 2025 އިން ފެށިގެން 18 މާޗު 2026 ގެ ނިޔަލަށެވެ. މި މުއްދަތުގެ ތެރޭގައި އެސްޓީއޯ ޕީޕަލްސް ޗޮއިސުން ވިއްކާ ގިނަ އުފެއްދުންތަކަކުން ކަސްޓަމަރުންނަށް ވަނީ ބޮޑެތި ޑިސްކައުންޓްތަކެއް ދީފައެވެ.
Advertisement
މި ޕްރޮމޯޝަންގެ ދަށުން އާއްމުންގެ ތެރޭގައި މަޝްހޫރު ބްރޭންޑްތައް ކަމަށްވާ ހިޓާޗީ، ފިލިޕްސް އަދި ރަސެލްސް ހޮބްސް ފަދަ ބްރޭންޑުތަކުގެ ގޭތެރޭގައި ބޭނުންކުރާ ސާމާނުން ހާއްސަ އަގުތަކެއް ވަނީ ހަމަޖައްސާފައެވެ. މިއީ ރަމަޟާން މަހާ ދިމާކޮށް ކަސްޓަމަރުންނަށް ލުއިފަސޭހަ ކޮށްދިނުމުގެ ގޮތުން އެސްޓީއޯއިން ކުރިއަށް ގެންދިޔަ ހަރަކާތެކެވެ.
އެސްޓީއޯއިން ކޮންމެ އަހަރަކުވެސް ރަމަޟާން މަހާ ދިމާކޮށް މިފަދަ އަގުހުރި ޕްރޮމޯޝަންތައް ބާއްވަމުންދެއެވެ. މި ޕްރޮމޯޝަންތަކުގެ މައިގަނޑު މަގްސަދަކީ ރޯދަ މަހާ ގުޅިގެން އާއްމުންގެ ގެތަކަށް ބޭނުންވާ ސާމާނު ހެޔޮ އަގެއްގައި ފޯރުކޮށްދިނުން ކަމަށް އެ ކުންފުނިން ބުނެއެވެ.
