އައްޑޫ އިކުއެޓޯރިއަލް ހޮސްޕިޓަލުގައިހިތުގެ ހިތުގެ ބަލިތަކަށް ބޭނުންވާ މުހިއްމު ފަރުވާތަކެއް ދޭން ފަށައިފި އެވެ.

އެކަމާ ގުޅިގެން މާލޭ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހީމް އަބްދުއްރައްޒާގު ހަލީމް ވިދާޅުވި ގޮތުގައި މިދިޔަ އަންގާރަ ދުވަހުން ފެށިގެން އިއްޔެގެ ނިޔަލަށް، އޭއީއެޗް އާއި ނެޝަނަލް ކާޑިއެކް ސެންޓަރު ގުޅިގެން ދަތުރުތަކެއް ކޮށްފައިވާ ކަމަށެވެ. އެނާ ވިދާޅުވީ ރާއްޖޭގެ ދެކުނަށް ކުރި ދަތުރތަކަކީ ހިތުގެ ބަލިތަކަށް ފަރުވާދިނުމުގައި، ތާރީހުގައި ފާހަގަކޮށްލެވޭ ވަރުގެ ފަހުރުވެރި ކާމިޔާބީއެއް ކަމަށެވެ.

އެގޮތުން އެ ދަތުރުގެ ތެރޭގައި ވަނީ ފުރަތަމަ ފަހަށް މާލޭގެ ބޭރުގައި ވަނީ "ޕްރައިމަރީ ޕީސީއައި" ނުވަތަ ހާޓް އެޓޭކް ޖެހޭ މީހުންނަށް ދޭ އަވަސް ފަރުވާގެ ހިދުމަތް ދެވޭ ގޮތަށް އައްޑޫގައި އެ މަސައްކަތް ފަށާފަ އެވެ. އަދި އެ ތަނުގައި ވަނީ ހިތުގެ މައްސަލަތަކަށް ބޭނުންވާ "އައިސީޑީ" އަދި "ޕާމަނަންޓް ޕޭސްމޭކާ" ލެއްވުމުގެ ހިދުމަތް ވެސް ތައާރަފުކޮށްފަ އެވެ. ޖުމްލަ 11 އެންޖިއޯގްރާމް އާއި ހަ އެންޖިއޯޕްލާސްޓީ ހެދުމުގެ އިތުރުން ފުރާނަ ސަލާމަތްކުރުމަށް ބޭނުންވާ މުހިންމު ފަރުވާތައް މިހާރު އައްޑު އިކުއިޓޯރިއަލް ހޮަސްޕިޓަލުން ލިބޭނެ އެވެެ.

ސިއްހީ ހިދުމަތް ލާމަރުކަޒީކޮށް، ރައްޔިތުންނާ ވީހާވެސް ގާތުން ފެންވަރު ރަނގަޅު ފަރުވާ ފޯރުކޮށްދިނުމަށް ރައީސް ޑރ. މުހައްމަދު މުއިއްޒު ގެންގުޅުއްވާ ހަރުދަނާ ސިޔާސަތުގެ ދަށުން ފެއްޓެވި ކަމެއް މިއީ- ސީއީއޯ ހަލީމް

އޭގެ އިތުރުން އެ ހޮސްޕިޓަލުގައި ދާއިމީކޮށް ފެށި ސާޖަރީތަކާ ބެހޭގޮތުން މައުލޫމާތު ދެމުން އެ ހޮސްޕިޓަލުން ބުނީ އެފަދަ ކޭސްއެއް އައުމުން، މާލެއިން އެ ކަމަކަށް ހާއްސަ އޮޕަރޭޝަން ޑޮކްޓަރުން ވަޑައިނަވާނެ ކަމަށެވެ. އަދި އެ ހޮސްޕިޓަލްގައި ނުކުރެވޭ ފަދަ އޮޕަރޭޝަނެއް ނަމަ އެ މީހާކު މާލެ ގެންދާނެ ކަމަށާއި އަދި އެ މުއްދަތުގައި އެ ހޮސްޕިޓަލުގައި ފަރުވާދޭ ޑޮކްޓަރުން ވެސް އެފަދަ އޮޕަރޭޝަންތަކަށް ތަމްރީނު ކުރަމުންދާ ކަމަށް ވެސް ހޮސްޕިޓަލުން ބުންޏެވެ.