މެދުއިރުމަތީގައި ހިނގަމުންދާ ހަމަނުޖެހުންތަކާ ގުޅިގެން، ޔޫރަޕިއަން ކައުންސިލްގެ ރައީސް އެންޓޯނިއޯ ކޮސްޓާ، ގަލްފު ގައުމުތަކަށް ޔޫރަޕިއަން ޔޫނިއަން (އީޔޫ)ގެ ފުރިހަމަ ތާއީދު އޮތް ކަން ތަކުރާރުކޮށް ހާމަކޮށްފި އެވެ.
އެކްސްގައި ކުރެއްވި ޕޯސްޓެއްގައި ކޮސްޓާ ވިދާޅުވީ، ގަލްފު ކޯޕަރޭޝަން ކައުންސިލް (ޖީ.ސީ.ސީ)ގެ ގައުމުތަކަށް އިރާނުން ދެމުންދާ ވައިގެ ހަމަލާތަކާއި ޑްރޯން ހަމަލާތަކާ ދެކޮޅަށް، ޔޫރަޕިއަން ޔޫނިއަން ސާބިތުކަމާ އެކު ތެދުވެ ތިބި ކަމަށެވެ. "ޔޫރަޕިއަން ޔޫނިއަންއިން ވަނީ ޖީ.ސީ.ސީ ގައުމުތަކާ އެއްކޮޅަށް ތެދުވެފައެވެ. ރައްޔިތުންނާއި ތަރައްގީގެ ވަސީލަތްތަކަށް ދެމުންދާ ހަމަލާތައް ވަގުތުން ހުއްޓާލަން ޖެހޭ،" ކޮސްޓާ ލިޔުއްވިއެވެ.
ކޮސްޓާ މި ބަޔާން ނެރުއްވީ، އެކްސްގައި ޕޯސްޓް ކުރެއްވުމުގެ ކުރިން، އޭނާ އެކުވެރި އަރަބި އިމާރާތުގެ ރައީސް ޝެއިހް މުހައްމަދު ބިން ޒައިދު އަލް ނަހްޔާންއާ ފޯނުން ގުޅުއްވައި، ޔޫރަޕިއަން ޔޫނިއަންގެ ތާއީދު ތަކުރާރު ކުރެއްވި ފަހުންނެވެ.
ކޮސްޓާ ވިދާޅުވީ، ހުރިހާ ފަރާތްތަކަށް ވެސް ހަމަނުޖެހުން ކުޑަ ކުރުމަށާއި، ޚާރިޖީ ވާހަކަތަކަށް ފުރުސަތު ދިނުމަށް ޔޫރަޕިއަން ޔޫނިއަންއިން ގޮވާލަމުންދާ ކަމަށެވެ. "ޔޫރަޕިއަން ޔޫނިއަންއިން ހުރިހާ ފަރާތްތަކަށް ވެސް ގޮވާލަނީ، ހަމަނުޖެހުން ކުޑަ ކޮށް، ޚާރިޖީ ހައްލަކަށް ފުރުސަތު ދިނުމަށެވެ. މިއީ މެދުއިރުމަތީގެ ސަލާމަތާއި ހަމަޖެހުމަށްޓަކައި ކޮންމެހެން ބޭނުންތެރި ކަމެކެވެ،" ކޮސްޓާ ލިޔުއްވިއެވެ.
މެދުއިރުމަތީގައި ހިނގަމުންދާ ހަމަނުޖެހުންތަކާ ގުޅިގެން، ދުނިޔޭގެ ގިނަ ގައުމުތަކަކުން ވަނީ ކަންބޮޑުވުން ފާޅުކޮށްފައެވެ.
