މިއަހަރުގެ މިހާތަނަށް ރާއްޖެއަށް ޒިޔާރަތްކުރި ކްރޫޒްލައިނާތަކުން 14،000 އަށްވުރެ ގިނަ ފަތުރުވެރިން ރާއްޖެއަށް ޒިޔާރަތްކޮށްފި ކަމަށް ތަފާސްހިސާބުތަކުން ދައްކައިފި އެވެ.

ޓޫރިޒަމް މިނިސްޓްރީގެ ތަފާސްހިސާބުތަކާ ހަވާލާދީ ރިޕޯޓުކޮށްފައިވާ ގޮތުގައި، އިއްޔެގެ ނިޔަލަށް ރާއްޖެއަށް ޖުމްލަ ނުވަ ކްރޫޒްލައިނާއެއް ޒިޔާރަތްކޮށްފައިވެ އެވެ. މި އުޅަނދުފަހަރުގައި ޖުމްލަ 14،960 ފަތުރުވެރިން ރާއްޖެއަށް ޒިޔާރަތްކޮށްފައިވެ އެވެ.

ރާއްޖެއަށް ޒިޔާރަތްކުރި ކްރޫޒްލައިނާތަކުގެ ތަފްސީލަށް ބަލާއިރު، އެންމެ ގިނަ ފަތުރުވެރިން އައިސްފައިވަނީ ފެބުރުވަރީ މަހުގެ 14 ވަނަ ދުވަހު އެވެ. އެ ދުވަހު 3،904 ފަތުރުވެރިން ރާއްޖެއަށް އައިސްފައިވެ އެވެ.

ކްރޫޒްލައިނާތައް ރާއްޖެއަށް އައި ތާރީހުތަކާއި ފަތުރުވެރިންގެ އަދަދު:

1. ޖަނަވަރީ 12: 970 ފަތުރުވެރިން
2. ޖަނަވަރީ 23: 1،037 ފަތުރުވެރިން
3. ފެބުރުވަރީ 07: 165 ފަތުރުވެރިން
4. ފެބުރުވަރީ 14: 3،904 ފަތުރުވެރިން
5. ފެބުރުވަރީ 16: 2،553 ފަތުރުވެރިން
6. ފެބުރުވަރީ 19: 1،037 ފަތުރުވެރިން
7. މާރިޗު 04: 2،736 ފަތުރުވެރިން
8. މާރިޗު 12: 1،210 ފަތުރުވެރިން
9. މާރިޗު 13: 1،348 ފަތުރުވެރިން

ޓޫރިޒަމް މިނިސްޓްރީގެ އެންމެ ފަހުގެ ތަފާސްހިސާބުތައް ދައްކާ ގޮތުގައި، މިއަހަރުގެ މިހާތަނަށް ރާއްޖެއަށް ޖުމްލަ 540،674 ފަތުރުވެރިން ޒިޔާރަތްކޮށްފައިވެ އެވެ. މިއީ މިދިޔަ އަހަރުގެ މި މުއްދަތާ އަޅައިބަލާއިރު އިތުރު އަދަދެކެވެ. ނަމަވެސް، މި މަހުގެ ފުރަތަމަ 12 ދުވަހުގެ ތެރޭގައި ރާއްޖެއަށް އައި ފަތުރުވެރިންގެ އަދަދު ވަނީ 23.6 އިންސައްތަ ދަށްވެފަ އެވެ.

ރާއްޖޭގެ ފަތުރުވެރިކަން ކުރިއެރުވުމަށްޓަކައި ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ.