މާލޭގެ ހުރިހާ މިސްކިތެއްގައި މިއަދުގެ ހުކުރު ނަމާދު ކުރޯ ޒުވާން ހަތީބުން ކަމަށް އިސްލާމިކް މިނިސްޓަރީން ބުނެފި އެވެ.
އިސްލާމިކް މިނިސްޓްރީން ހާމަކޮށްފައިވާ ގޮތުގައި، މާލެ ސަރަހައްދުގެ އެންމެ ބޮޑު މިސްކިތް ކަމަށްވާ އިސްލާމީ މަރުކަޒުގައި މިއަދު އިމާމުވެ ހުކުރު ނަމާދު ކުރީ އަބްދުﷲ ބިން އިމްޖާދު އެވެ. އަދި ސަލްމާން މިސްކިތުގެ އިމާމްވެ ހުކުރު ނަމާދު ކުރީ މުހައްމަދު ހަނޫން ހުސައިނު އެވެ.
"ރަމަޟާން މަހުގެ ފަހު ދިހައެއް" މި މައުޟޫއަށް މިއަދު ހުތުބާ އިއްވިއިރު، އިސްލާމީ މަރުކަޒާއި ސަލްމާން މިސްކިތުގެ އިތުރުން 24 މިސްކިތެއްގައި ޒުވާން ހަތީބުން މިއަދު އިމާމްވެ ހުކުރު ނަމާދު ކުރިއެެވެ.
Advertisement
މާލެގެ އިތުރު މިސްކިތްތަކުގައި ހުކުރު ނަމާދު ކުރި ހަތީބުން:
- މުހައްމަދު މަބާހް މުހައްމަދު (އިސްކަންދަރު މިސްކިތް)
- އާޔަން އަހުމަދު އިނާން (ޔޫސުފުލް ބަރުބަރީ މިސްކިތް)
- އިސްމާއިލް ރަޝީދު (ބިއްރި މިސްކިތް، ވިލިމާލެ)
- މުހައްމަދު ޔަޝައު މުސްތަފާ (ހަސަން އާދަމް މިސްކިތް، ހުޅުމާލެ 2)
- އަނަސް ބިން ހަސަން (އީމާން މިސްކިތް، ހުޅުމާލެ 2)
- އަހުމަދު އަލްތާފް މޫގިލް (ސަލާހުއްދީން މިސްކިތް)
- އަބްދުﷲ ޔައިސް މުހައްމަދު (އަސްދިގާ މިސްކިތް، ހުޅުމާލެ 1)
- އައްމާރު ބިން އިބްރާހިމް (އަމީލް ޖަލީލް މިސްކިތް، ހުޅުމާލެ 2)
- އިބްރާހިމް ޒާކިރު ޒަލީގް (ވާލިދައިން މިސްކިތް، ހުޅުމާލެ 1)
- ރައްޔާން މުހައްމަދު ރަޝީދު (މަސްޖިދުއްސުލްތާން މުހައްމަދު ބިން އަބްދުﷲ)
- އަހުމަދު ޔޫސުފް ބިން ސައީދު (ފުރުގާން މިސްކިތް)
- ހަމްޒާ ބިން ހަސަން (ނޫރު މިސްކިތް)
- އާކިފް އަބްދުއްސައްތާރު (ޝަހީދު އަލީ މިސްކިތް)
- މުހައްމަދު ދިނާޒް އަހުމަދު ޝަރީފް (ތައިބާ މިސްކިތް)
- ހަނީޒް ހަނީފް (ރަޝީދު މިސްކިތް، (ހުޅުމާލެ 1)
- އުވައިސް ބިން އިނާޒް (ޝައިހް ގާސިމް ބިން މުހައްމަދު އާލް ސާނީ މިސްކިތް)
- ހަސަން މާޒް އަލީ (އަޒީޒާ މިސްކިތް، ހުޅުމާލެ 1)
- އަހުމަދު މާދިން އަބްދުއްސަލާމް (އަބީބަކުރުނިއްސިއްދީގު މިސްކިތް، ހުޅުމާލެ 2)
- އަބްދުﷲ އަކްމަލް ރަޝީދު (އުސްމާން ބިން އައްފާން މިސްކިތް، ހުޅުމާލެ 2)
- ޒައިނުލް އާބިދީން ޔޫސުފް (ދުނބުރި މިސްކިތް)
- އާތިކް އަބްދުއްސައްތާރު (ފަނޑިޔާރު މިސްކިތް)
- މުހައްމަދު މަބާހް މުހައްމަދު (ބަންޑާރަ މިސްކިތް)ު
- މާޔިޒް ބިން މުސްތާގް (އިބްރާހީމީ މިސްކިތް)ު
- އިސްމާއިލް އިފްރާހް އިބްރާހިމް އަލީ (ޖަލާލުއްދީން މިސްކިތް)
ޒުވާން ހަތީބުން ތަމްރީނު ކުރުމަށް 2024 ވަނަ އަހަރު ފެށި މި ޕްރޮގްރާމާއެކު، މިހާތަނަށް 300 އަށް ވުރެ ގިނަ ކުދިން ވަނީ ތަމްރީނު ފުރިހަމަ ކޮށްފައެވެ. ސަރުކާރުގެ އަމާޒަކީ މި ދައުރުގެ ތެރޭގައި 1،000 ހަތީބުން ތަމްރީނު ކުރުމެވެ.
މިއީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ހާއްސަ އިސްނެންގެވުމެއްގެ މަތިން ފެށި ޕްރޮގްރާމެކެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެފައިވާ ގޮތުގައި، މި ޕްރޮގްރާމުގެ މަގުސަދަކީ ދީނީ ދާއިރާއިން ޒުވާނުން ބިނާކުރުމެވެ.
މި ޕްރޮގްރާމުގައި ސްކޫލް ނިމިފައިވާ ޒުވާނުންގެ އިތުރުން ގްރޭޑް 10، 11 އަދި 12 ގައި އުޅޭ ދަރިވަރުން ވެސް ބައިވެރިވެވޭނެ އެވެ. އެ ޕްރޮގަރާމްގެ ތަމްރީނުތަކުގައި ހުތުބާ ކިޔުމާއި، އިމާމުވެ ނަމާދުކުރުމުގެ އިތުރުން ދީނީ އެހެނިހެން މުހިންމު ކަންކަން ދަސްކޮށްދެވޭ ކަމަށް އިސްލާމިކް މިނިސްޓްރީން މައުލޫމާތު ދީފައިވެ އެވެ.
