މިދިޔަ އަހަރުގެ އެމްއެލްއެސް ކަޕް އިންޓަ މިއާމީ އިން ކާމިޔާބު ކުރުމުން އެކަމުގެ ޝަރަފުގައި އެ ޓީމުގެ ކުޅުންތެރިންނަށް “ޝަރަފް އަރުވަން” ވައިޓް ހައުސް އަށް ގެނެސް، ކުޅިވަރުގެ ބަދަލުގައި އެ މީހުންގެ ގާތު ޓްރަމް ދެއްކީ ހަނގުރާމައިގެ ވާހަކަ ކަމަށް ބުނެ ޓްރަމްޕަށް ޖޯކު ޖަހަން ފަށައިފިއެވެ.
ޓްރަމްޕް، ވައިޓް ހައުސްގައި އިންޓަމިއާމީގެ ކުޅުންތެރިންނާއި އެކު (5 މެއި 2026)
އާޖެންޓީނާގެ ތަރި އަދި އިޒުރޭލަށް ތާއީދު ކުރާ ލިއޮނަލް މެސީ ވެސް ގެނެސް، ޓްރަމްޕް ފުރަތަމަ ވެސް ދެއްކި ވާހަކަ އަކީ އެމެރިކާ އާއި އިސްރާއީލުގެ އޮޕަރޭޝަންތަކުގެ ސަބަބުން އީރާން ވަރަށް ބޮޑަށް ބަލިކަށިވެފައިވާ ކަމަށް ބުނެ އެ ވާހަކައެވެ.
ފުޓުބޯޅަ ޓީމުގެ ކުޅުންތެރިންގެ ގާތު ޓްރަމްޕް ބުނީ އީރާނުގެ މިސައިލް ލޯންޗަރު ތަކާއި މަތިންދާބޯޓު ތަކާއި މުވާސަލާތީ ނިޒާމު ތަކުގެ ބޮޑެތި ބައިތައް ހަލާކު ވެފައިވާ ކަމަށާއި ދުނިޔޭގެ އެކި ކަންކޮޅުތަކުގައި ތިބި އީރާނުގެ ޑިޕްލޮމެޓުންނަށް ހިމާޔަތް ހޯދުމަށާއި "އާ އަދި ރަނގަޅު އީރާނެއް" އުފެއްދުމަށް އެހީތެރިވެ ދިނުމަށެވެ.
ހަނގުރާމައިގެ ވާހަކަ ދައްކަމުން ގޮސް (ސަމާސާ ރާގަކަށް) ޓްރަމްޕް ބުނީ މެސީ “ޕެލޭއަށް ވުރެ މޮޅު” ކަމަށެވެ.
