ބޭންކް އޮފް މޯލްޑިވްސް (ބީއެމްއެލް) އިން މިރޭ ދަންވަރު ވަގުތެއްގައި ސިސްޓަމް މެއިންޓަނަންސް މަސައްކަތްތަކެއް ކުރުމަށް ނިންމައިފި އެވެ.
ބޭންކުން ހާމަކޮށްފައިވާ ގޮތުގައި މި މަސައްކަތް ކުރިއަށް ދާނީ މިރޭ ދަންވަރު 1:30 އިން 2:30 އަށެވެ. ބޭންކުގެ ހިދުމަތްތައް އިތުރަށް ފުރިހަމަކޮށް، ތަރައްގީ ކުރުމުގެ މަގްސަދުގައި ކުރިއަށްގެންދާ މި މެއިންޓަނަންސް މަސައްކަތް ކުރިއަށްދާ ވަގުތު ބައެއް ހިދުމަތްތަކަށް ބުރޫއެރުމަކީ އެކަށީގެންވާ ކަމެއް ކަމަށް ބީއެމްއެލް އިން މައުލޫމާތު ދެ އެވެ.
މިގޮތުން، އެއްގަޑިއިރުގެ މި މުއްދަތުގެ ތެރޭގައި ތިރީގައިވާ ހިދުމަތްތަކުން ގާތްގަނޑަކަށް 30 މިނެޓުގެ މެދުކެނޑުމެއް އައުން އެކަށީގެންވެ އެވެ:
- ޕީއޯއެސް ޓާމިނަލް މެދުވެރިކޮށް ކުރާ ކާޑު މުޢާމަލާތްތައް (ވީސާ އަދި މާސްޓާކާޑު ޑެބިޓް).
- ޕޭމަންޓް ގޭޓްވޭގެ ޚިދުމަތް.
- އޭޓީއެމްގެ ހިދުމަތްތައް (ވީސާ، މާސްޓާކާޑު، ޑެބިޓް އަދި ކްރެޑިޓް ކާޑު).
މި މަސައްކަތުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށްޓަކައި ބޭންކުން ވަނީ މައާފަށް އެދިފަ އެވެ. އަދި ހިދުމަތްތަކުގެ ފެންވަރު ރަނގަޅު ކުރުމަށް ކުރެވޭ މިފަދަ މަސައްކަތްތަކުގައި ކަސްޓަމަރުން ދެއްވާ އެއްބާރުލުމަށް ބޭންކުން ޝުކުރު އަދާކުރެ އެވެ.
