އީރާނަށް ދޭ ޙަމަލާ ލިމިޓް ކުރަން ޓްރަމްޕަށް އަމުރު ކުރުމަށް އެމެރިކާގެ ސެނެޓަށް ހުށަހެޅި ގަރާރު ފާހެއް ނުވިއެވެ.
ހަނގުރާމައިގެ ބާރުތަކުގެ ގާނޫނުގެ މައްޗަށް ބިނާކޮށް އެކުލަވައިލި ގަރާރުގެ މަގުސަދަކީ ހަނގުރާމަ ކުރުމަށް ރަސްމީ ކޮށް އިއުލާން ކުރުމަކާއި ނުލައި އަސްކަރީ އޮޕަރޭޝަންތައް ހިންގުމުގެ ބާރު ރައީސުލްޖުމްހޫރިއްޔާއަށް ލިބިފައިވާ މިންވަރު ބެލުމެވެ.
ގާނޫނު ހަދާ މަޖިލީހުގައި މި ގަރާރާއި ދެކޮޅަށް ވާހަކަ ދެއްކެވި މެންބަރުން ވަނީ އީރާނަށް ދެމުންދާ ހަމަލާތަކުގެ ސަބަބުން މެދުއިރުމަތީގެ ހަމަނުޖެހުން ބޮޑުވުމުގެ ނުރައްކާ އެބައޮތް ކަމަށާއި އެކަށީގެންވާ މިންވަރަށް ބެލުމެއް ނެތި އެމެރިކާ އިން މިފަދަ ފިޔަވަޅެއް އެޅުމާއި މެދު ބަހުސް ކޮށްފައެވެ. އަދި މިކަން ހުއްޓުވުމަށް ޓްރަމްޕަށް އަމުރު ކުރުމުގެ ބާރު ސެނެޓަށް ލިބިގެންވާ ކަމަށެވެ.
ނަމަވެސް، ސެނެޓްގެ ވޯޓުން ބޮޑުތަނުން ބުނީ ޓްރަމްޕަށް “މިނިވަންކަމާއި އެކު” ބޭނުން ވަރަކަށް އީރާނަށް ހަމަލާ ދޭންވީ ކަމަށެވެ.
އީރާނާއި ދެކޮޅަށް މިހާރު ހިނގަމުންދާ ހަމަލާތަކާއި ލުބުނާން، އިރާގު، އަދި ގަލްފް ސަރަހައްދުގައި އުފެދިފައިވާ ފިތުނަތަކާއި ގުޅިގެން ސަރަހައްދީ ނުތަނަވަސްކަން އިތުރަށް ގޯސްވެދާނެ ކަމަށް މަސްރަހު ދިރާސާކުރާ ފަރާތްތަކުން އިންޒާރު ދެއެވެ.
