އިސްރާއީލުން މެދިއިރުމައްޗާއި ޤަލްފު ރީޖަންގައި ހިންގަމުން ގެންދާ ކަންކަން ކަވަރުކުރަން ޓެލް އަވީވްގައި އުޅުނު ތުރުކިޔޭގެ ނޫސްވެރިން ހިފަހައްޓައިފި ކަމަށް އެ ޤައުމުން ބުނެފިއެވެ.

ތުރުކިޔޭގެ ހެޑް އޮފް ކޮމިއުނިކޭޝަންސް ބުރުހަނެޓިން ޑޫރަން ވިދާޅުވީ އިސްރާއީލުގެ ކަމާބެހޭ ފަރާތްތަކުން ސީއެންއެންގެ ތުރުކީ ރިޕޯޓަރު އެމްރާހް ކަކްމަކް އާއި ކެމެރާމަން ހަލީލް ކަހްރާމަން ބަންދުކޮށްފައިވާ ކަމަށެވެ.

އެ ދެމީހުން ބަމްދުކޮށްފައި ވަނީ ޙަމަލާތައް އައި އިރު ރެކޯޑް ކުރަމުން ދަނިކޮށެވެ.

ޑޫރަން ސިފަކުރެއްވި ގޮތުގައި ޒައެނިސްޓު ސިފައިން ތުރްކިޔޭގެ ނޫސްވެެެިން ހައްޔަރު ކޮށްފައި ވަނީ ހަގީގަތް ފޮރުވުމަށެވެ “މިއީ ހަގީގަތް ފޮރުވުމަށް އަމާޒުކޮށްގެން ޕްރެސްއަށް ދިން ހަމަލާތަކެއް" .

ޑޫރަން ނެރުނު ބަޔާނުގައި ވިދާޅުވީ ނޫސްވެރިން ވަގުތުން ދޫކޮށްލުމަށް އަންކާރާއިން ކުރަންޖެހޭ މަސައްކަތްތައް ކުރަމުން އަންނަ ކަމަށެވެ.