ބ. ދަރަވަންދޫ ބަނދަރު ތަރައްގީކުރުމުގެ މަޝްރޫއުގެ 40 އިންސައްތަ މަސައްކަތް މިހާރު ނިމިފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ހާމަކޮށްފިއެވެ.
އެ ކުންފުނިން ބުނީ, ދައުލަތުގެ ބަޖެޓުން 55.48 މިލިއަން ރުފިޔާ ހަރަދުކޮށްގެން ކުރިއަށްގެންދާ މި މަޝްރޫއުގެ ތެރެއިން މިހާރު ކުރިއަށްދަނީ ބޮޑުހިލަ ޖެހުމުގެ މަސައްކަތްކަމަށެވެ.
މަޝްރޫއުގެ ދަށުން ކުރެވޭނެ މައިގަނޑު މަސައްކަތްތައް:
- ގޮނޑުދޮށް ހިމާޔަތްކުރުން: 660 މީޓަރުގެ ބޮޑުހިލައިގެ ތޮށިލުން
- އެއްގަމުތޮށިލުން: 322 މީޓަރުގެ ޕްރީކާސްޓް އެލް-ބްލޮކް ބޭނުންކޮށްގެން
- ކޮނުމުގެ މަސައްކަތް: 38,774 ކިއުބިކް މީޓަރުގެ ސަރަޙައްދެއް ފުންކުރުން
- ޕޭވްމަންޓް ހެދުން: 1,990 އަކަމީޓަރުގެ ސަރަޙައްދެއްގައި ގާ އެތުރުން
- ޖެޓީ: 140 މީޓަރުގެ ޖެޓީއެއް ތަރައްޤީކުރުން
- ބްރިޖް: 16 މީޓަރުގެ ބްރިޖެއް އެޅުން
މި މަޝްރޫއަކީ ސަރުކާރުގެ އިސްނެންގެވުމުގެ މަތިން 25 ޖެނުއަރީ 2023 ގައި އެމް.ޓީ.ސީ.ސީ އާ ހަވާލުކުރެވިފައިވާ މަޝްރޫއެކެވެ. ބ. ދަރަވަަންދޫގައި ކުރިއަށްގެންދާ މި މަޝްރޫޢުގެ މައިގަނޑު އަމާޒަކީ އެ ރަށުގެ ބަނދަރު ފުންކުރުމާއި، ބަނދަރު ބޮޑުކުރުމުގެ އިތުރުން ބޭރުތޮށިލުމެވެ.
މި މަޝްރޫއަކީ ދަރަވަންދޫގެ ދަތުރުފަތުރާއި އިގްތިސާދަށް އަންނާނެ މުހިންމު ބަދަލެކެވެ.
