އީރާނުގެ ކުރީގެ ރޫހާނީ ލީޑަރު އަލީ ހާމަނާއީގެ އަނބިކަނބަލުން، މަންސޫރީ ހޯޖަސްޓޭހް، ކޯމާއެއްގައި އޮންނަވަނިކޮށް އަވަހާރަކޮށްލައިފި އެވެ.

މީޑިއާ ރިޕޯޓުތައް ބުނާ ގޮތުގައި އެކަމަނާ އަވަހާރަކޮށްލާފައިވަނީ ހޮނިހިރު ދުވަހު އަމާޒުވި ހަމަލާތަކެއްގައި ފަރުވާ ހޯއްދަވަން ހޮސްޕިޓަލުގައި އޮންނަވަނިކޮށެވެ. ސޯޝަލް މީޑިއާގެ އެކި މަސްދަރުތަކުން ފެތުރެމުންދާ ހަބަރުތަކަށް ބަލާއިރު، މިއީ ބަޔަކު ރާވައިގެން ގަސްދުގައި ދިން ހަމަލާއެއްގެ ސަބަބުން ހިނގި ކަމެކެވެ.

އޭނާ މަރުވިކަން އީރާނުގެ ދައުލަތުގެ ޓީވީން ވެސް ވަނީ ކަށަވަރުކޮށްދީފަ އެވެ. އަވަހާރަވިއިރު އެކަމަނާގެ އުމުރަކީ 78 އަހަރެވެ.

އިރާނުގެ ރޫހާނީ ލީޑަރު އާޔަތު ﷲ ހާމަނާއި ވަނީ ހޮނިހިރު ދުވަހު އޭނާ ދިރިއުޅުއްވާ ކޮމްޕައުންޑަށް އެމެރިކާއާއި އިޒްރޭލުން ގުޅިގެން ދިން ވަރުގަދަ ވައިގެ ހަމަލާއެއްގައި އަވަހާރަވެފަ އެވެ. އަވަހާރަވިއިރު އުމުރުފުޅަކީ 86 އަހަރެވެ.