މިހާރު ހިނގަމުންދާ ކަމާއި ގުޅޭ ގޮތުން އެމެރިކާ އާއި މަޝްވަރާ ކުރުމަށް އީރާން މިހާރު ބޭނުން ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ.
މަސްދަރުތަކުން ބުނާ ގޮތުގައި ސުޕްރީމް ލީޑަރު އަލީ ޚާމަނާއީ އަވަހާރަވުމުން އެމެރިކާއާ ވާހަކަ ދައްކަން ބޭނުންވާކަމުގެ އިޝާރާތެއް އީރާނުން ވަނީ ދީފައެވެ. އީރާނުގެ އާ ލީޑަޝިޕުން މަޝްވަރާތަކަށް ޝައުގުވެރިކަން ފާޅުކޮށްފައިވާއިރު، ޓްރަމްޕް ވަނީ މަޝްވަރާތައް ބާއްވަން އެއްބަސްވެފައެވެ.
1989 ވަނަ އަހަރުން ފެށިގެން އީރާނުގެ އެންމެ އިސް ލީޑަރު ޚާމަނާއީ އަވަހާރަވީ 28 ފެބްރުއަރީ 2026 (އިއްޔެ) އެމެރިކާއާއި އިސްރާއީލުން ތެހެރާނަށް ދިން ވައިގެ ޙަމަލާ ތަކެއްގައެވެ.
ޚާމަނާއީ އަވަހާރަކޮށްލުމާއޮ ގުޅިގެން އީރާނުން ވަނީ އާ ސުޕްރީމް ލީޑަރަކު ހޮވަންދެން ކޮމެޓީއެއް އެކުލަވާލާފައެވެ.
މަޝްވަރާގެ ވާހަކަ ދެކެވުނަސް، މި ވަގުތުވެސް ދެފަރާތުން ދަނީ ޙަމަލާތައް ބަދަލު ކުރަމުންނެވެ.
