އިރާނުގެ ބެލިސްޓިކް މިސައިލް ސިސްޓަމަށް ހަމަލާއެއް ދިނުމަށް އެމެރިކާއިން ފެހި ސިގްނަލް ލިބުމުގެ ފުރުސަތު އޮތް ކަމަށް ބުނެ، ނަތަންޔާހޫގެ ސަރުކާރުން ތައްޔާރުވަމުން އަންނަ ކަމަށް އިސްރާއީލުގެ ޕަބްލިކް ބްރޯޑްކާސްޓާ ކޭއެން އިން ރޭ ދަންވަރު ބުނެފިއެވެ.
އިސްރާއީލުން އީރާނުގެ ބެލިސްޓިކް މިސައިލްތަކަށް ހަމަލާދޭނީ އެމެރިކާގެ ރައީސް ޑޮނަލްޑް ޓްރަމްޕުގެ ހުއްދަ ލިބުމުން ކަމަށާއި، އެ ހިސާބުން އިސްރާއީލުން އީރާނަށް ހަމަލާދޭ މަންޒަރު ފެންނާނެ ކަމަށް ވެސް ޒައެނިސްޓް މީޑިއާއިން ބުންޏެވެ.
އިސްރާއީލުގެ ސަލާމަތީ އިދާރާތަކުން ފާއިތުވި 24 ގަޑިއިރުގެ އެސެސްމަންޓްތަކުން ދައްކާ ގޮތުގައި އެމެރިކާއިން އީރާނަށް ހަމަލާ ދިނުމުގެ ފުރުސަތު ބަންދެއް ނުވެއެވެ.
އެމެރިކާގެ މީޑިއާތަކުން ރިޕޯޓްކޮށްފައިވާ ގޮތުގައި ޓްރަމްޕްގެ ވެރިކަމުގައި އީރާނާއި އެކު ބޮޑު ކުރިމަތިލުމަކަށް ދިޔުން ގާތެވެ.
ފާހަގަ ކޮށްލަން ޖެހޭ ކަމަކީ ފާއިތުވި 48 ގަޑިއިރުގެ ތެރޭގައި އެމެރިކާއިން ވަނީ ޔޫރަޕާއި މެދުއިރުމަތީގެ ބޭސްތަކަށް ގިނަ އަދަދެއްގެ ޖެޓްތައް ފޮނުވާލާފައެވެ.
