ނައިޖީރިއާގެ ކުވާރާ ސްޓޭޓްގެ ވޯރޯ އަވަށަށް ހަތިޔާރު އެޅި ބަޔަކު ދަންވަރު ވަދެ ގާތްގަނޑަކަށް 200 މީހުން ޤަތުލުކޮށް، ބައެއް އަންހެނުންނާއި ކުޑަކުދިން ރަހީނު ކޮށްފިއެވެ.

^{ނައިޖީރިއާގައި ހިންގި ޤަތުލުޢާންމުގައި އަންދާލާފައިވާ ބައެއް ގެތައް / ފޮޓޯ: އަލްޖަޒީރާ}

މުސްލިމު ބޮޑު އާބާދީ އެއް އޮންނަ މި އަވަށުގެ ރައްޔިތުން މަރައިލީ ބަޑި ހިފައިގެން ސައިކަލް ތަކުގައި އައި ބައެކެވެ. އެ މީހުން ވަނީ ޢިމާރާތްތައް އަންދާލައި އެތައް ބަޔަކު މަރާރުމަށް ފަހު މަގުމެދަށް އެއްލާލާފައި ގޮސް ފިލާފައި ކަމަށް މަސްދަރުތައް ބުނެއެވެ.

ނައިޖީރިއާގެ ރައީސް *ބޮލާ ޓިނޫބޫ ވަނީ މި ސަރަހައްދަށް ސިފައިން ފޮނުއްވައި، ތަޙްޤީޤު ފަށާފައެވެ.