ގޯލްޑަން ފުޓްސަލް ޗެލެންޖު 2026 ގައި އައްޑޫ ސިޓީ ހިތަދޫ 1-3 ގެ ނަތީޖާއިން ބަލިކުރުމަށްފަހު ގއ. ދެއްވަދޫ ދެކުނުގެ ރަސްކަމަށް އަތުވެއްޖެ އެވެ.

މި މެޗުގައި ދެއްވަދޫގެ ފުރަތަމަ ގޯލު ފުރަތަމަ ހާފުގައި ޖެހީ އަހުނަފް ރަޝީދު (އަހުއްކޮ) އެވެ. ފުރަތަމަ ހާފު ނިމުނީ 0-1 ގެ ނަތީޖާއިންނެވެ.

ފޯރިގަދަ ކުޅުމެއް ފެނިގެންދިޔަ މި މެޗުގައި ދެވަނަ ގޯލު ޖެހީ މުހައްމަދު އިމްރާން (އިންމި) އެވެ. ދެއްވަދޫގެ ތިން ވަނަ ގޯލު ޖެހީ ރާހިލް އަހްމަދު ރަޝީދު (ރާއްކޮ) އެވެ.

މި މެޗުގައި ދެއްވަދޫގެ ގޯލް ކީޕަރު އިބްރާހިމް ޝަޒްލީލަށް ވަނީ އަނިޔާވެގެން ދަނޑުން ބާލާފަ އެވެ. ހިތަދޫގެ ހަމައެކަނި ގޯލު ޖެހާފައިވަނީ މެޗު ނިމެން ދެ މިނެޓަށް ވެފައިވަނިކޮށެވެ.

ފައިނަލް މެޗުގެ މޮޅު ކުޅުންތެރިޔާގެ މަގާމާއި ޒޯން 7 ގެ މޮޅު ކުޅުންތެރިޔާގެ މަގާމު ހޯދާފައިވަނީ އަހްމަދު ރާހިލް ރަޝީދު އެވެ.

ގަދަ 16 ގައި ދެއްވަދޫ ބައްދަލުކުރާނީ ކެޔޮދޫއާ ދެކޮޅަށެވެ. އަދި ހިތަދޫ ބައްދަލުކުރާނީ ދުވާފަރާ އެވެ.