100 ރުފިޔާގެ ނޫޓުގެ އާ ސްޓޮކެއް މޯލްޑިވްސް މަނިޓަރީ އޮތޯރިޓީ (އެމްއެމްއޭއިން) ގެނެސްފި އެވެ.
މިކަން ހާމަކޮށް އެމްއެމްއޭއިން ބުނީ، އެ އޮތޯރިޓީން ނެރެފައިވާ ރަން ދިހަފަހެއް ނޫޓް ސީރީޒްގެ ނޫޓުތަކުގެ ތެރެއިން 100 ރުފިޔާގެ ނޫޓުގެ ސްޓޮކް މަދުވުމުގެ ސަބަބުން މިއަދު އާ ސްޓޮކެއް ގެނެސްފައިވާ ކަމަށެވެ.
އެހެންނަމަވެސް ގެނައީ ކިހާ އަދަދެއްގެ ސްޓޮކެއް ކަމެއް އެމްއެމްއޭއިން ހާމަކޮށްފައެއްނުވެ އެވެ. ސްޓޮކް މަދުވުމުގެ ސަބަބުން ޗާޕުކޮށްގެން އާ ސްޓޮކް ގެނައުމަކީ އެ އޮތޯރިޓީން އަބަދު ވެސް ކުރާ ކަމެކެވެ.
2016 ވަނަ އަހަރުގެ ތެރޭގައި ރަން ދިހަފަހެއްގެ ނަމުގައި އާ ނޫޓު ސީރީޒެއް ތައާރަފްކޮށް އެމްއެމްއޭއިން ވަނީ ޒަމާނުއްސުރެ ބޭނުންކުރަމުންދިޔަ ކަރުދާސް ނޫޓު އުވާލައިފަ އެވެ.
