އީރާނާމެދު އެމެރިކާއިން ގެންގުޅޭ ސިޔާސީ ވިސްނުން މެދުއިރުމަތީގައި ތިބި އެމެރިކާގެ ބައިވެރިންނަށް ސާފުކޮށް ނުދެއްވާކަމަށް ރައީސް ޑޮނަލްޑް ޓްރަމްޕް ވިދާޅުވެއްޖެއެވެ. 

ޓީވީއަކަށް ދެއްވި އިންޓަވިއުއެއްގައި އޭނާ ވިދާޅުވީ އީރާނާ ވާހަކަދައްކައިގެން ނަތީޖާއެއް ނެރެން ބޭނުންފުޅު ވާކަމަށެވެ.

ޓްރަމްޕު ވިދާޅުވީ ރާވާފައިވަނީ އީރާނާ މަޝްވަރާކުރަން ކަމަށެވެ.

"ކުރެވޭނީ ކޮންކަމެއްތޯ އަޅުގަނޑުމެން ބަލާނަން. އެހެން ނޫނީ ކިހިނެއްކަން ވަނީ އަޅުގަނޑުމެން ބަލާނަން." އޭނާ ވިދާޅުވިއެވެ.

ޓްރަމްޕު ވިދާޅުވިގޮތުގައި ކަނޑުގެ ސިފައިންގެ ބޮޑުލަޝްކަރެއް ދަނީ އީރާނުގެ ސަރަހައްދާ ކައިރިކުރަމުންނެވެ.

މީގެ ދެދުވަސް ކުރިން ރައީސް ޓްރަމްޕް ވަނީ އީރާނުގެ އޮފިޝަލުން ބޭނުންވަނީ ނަތީޖާ ނެރެދޭ އެއްބަސްވުމެއް ކަމަށާއި ސުންގަޑިއެއް އޮތްކަން ނުވަތަ ނޫންކަން އެނގޭނީ ހަމައެކަނި އެމީހުންނަށް ކަމަށް ވިދާޅުވެފައެވެ.

އެމެރިކާއާއި އީރާނާ ދެމެދު އުފެދިފައިވާ ޚިޔާލު ތަފާތުވުންތަކާ ގުޅިގެން އެމެރިކާއިން އީރާނަށް ހަމަލާއެއް ދީފިނަމަ އެ ސަރަހައްދުގައި ބޮޑު ހަނގުރާމައެއް ފެށި ގިނަ ގައުމުތަކަކަށް ގެއްލުންވެދާނެތީ، ސަރަހައްދުގެ ބައެއް އަރަބި ގައުމުތަކުން ގެންދަނީ ސުލްހަވެރި ހައްލެއް ހޯދުމަށް މަސައްކަތް ކުރަމުންނެވެ.