ހިންދީ ސިނަމާގައި މިވަގުތު ހުރި އެންމެ މަގުބޫލު އަދި އެންމެ ކާމިޔާބު އެއް ލަވަކިޔުންތެރިޔާ އަރިޖިތު ސިންގު، ފިލްމުތަކަށް ލަވަކިޔުން ނުވަތަ ޕްލޭބެކް ސިންގިންގް ހުއްޓާލިކަން އިއުލާނުކޮށްފި އެވެ.
އަރިޖިތު މިކަން ހާމަކޮށްފައިވަނީ އިންސްޓަގްރާމް މެދުވެރިކޮށް އާންމުކުރި ޕޯސްޓެއްގައެވެ. އާ އަހަރުގެ ތަހުނިޔާ އެންމެނަށް ފޮނުވަމުން ކުރި މި ޕޯސްޓުގައި، އޭނާ ވަނީ އޭނާގެ މިއުޒިކީ ކެރިއަރުގައި ސަޕޯޓަރުންގެ ފަރާތުން ލިބުނު ބޮޑު ތަރުހީބަށާއި ދެއްވި އިންތިހާ ލޯތްބަށް ނުހަނު އިހްލާސްތެރިކަމާއެކު ޝުކުރު އަދާކުރާ ކަމަށް ބުނެފަ.
އަރިޖިތު ބުނިގޮތުގައި، މީގެ ފަހުން ފިލްމުތަކަށް ލަވަކިޔުމުގެ އެއްވެސް އާ މަސައްކަތެއް އޭނާ ބަލައެއް ނުގަންނާނެކަށެވެ. ފިލްމީ ދާއިރާގައި އޭނާ ކުރި މަސައްކަތްތަކަށް އަލިއަޅުވާލަމުން އަރިޖިތު ބުނެފައިވަނީ އެއީ ވަރަށް އުފާވެރި ދަތުރެއް ކަމަށެވެ.
Advertisement
މި ކުއްލި ނިންމުމާއެކު، ޖާދުވި އަޑުގެ ވެރިޔާ ކަމަށްވާ އަރިޖިތުގެ ޖަޒުބާތީ ލަވަތަކަށް ލޯބިކުރާ އެތައް މިލިއަން ސަޕޯޓަރުންނަށް ވަނީ ބޮޑު ހައިރާންކަމެއް ލިބިފައެވެ. އެންނަމަވެސް އަރްޖިތު ބުނީ އޭނާ ފްލޭބެކް ސިންގިން އާއި ދުރަށް ޖުހުނުކުގައި ވިޔަސް މިއުޒިކް އުފެއްދުން އެއްކޮށް ހުއްޓާނުލާނެކަމަށެވެ.
އަރްޖިތުގެ މިއުޒިކީ ކެރިއަރުގައި އެންމެ ބޮޑު މަޤުބޫލުކަމެއް ލިބިގެންދިޔައީ 2013 ވަނަ އަހަރު ނުކުތް ބޮލީވުޑް ފިލްމު "އާޝިގީ 2" ގެ "ތުމް ހީ ހޯ" މި ލަވައިންނެވެ. އެއަށްފަހު އޭނާ ވަނީ "ޗަންނާ މޭރެޔާ"، "ރާބްތާ"، "ކޭސަރިޔާ" އަދި "ގެރުއާ" ފަދަ ފާހަގަކޮށްލެވޭ މަޝްހޫރު އެތައް ލަވައެއް ފިލްމުތަކަށް އޭނާ ވަނީ ކިޔައިދީފައެވެ.
ތިންސަތޭކައަށްވުރެ ގިނަ ލަވަ ރެކޯޑްކޮށް، މިއުޒިކީ ދާއިރާގައި ފައިތިލަ ސާބިތުކޮށްފައިވާ އަރްޖިތަކީ، އިންޑިއާގައި މިހާތަނަށް އުފެދުނު އެންމެ ނުފޫޒުގަދަ އަދި ކާމިޔާބު ފަންނާނުންގެ ތެރޭގައި ހިމެނޭ އެކަކެވެ.
އަރްޖިތް މިފަދަ ނިންމުމެއް ނިންމި ސީދާ ސަބަބެއް އޭނާ ހާމަކޮށްފައެއް ނުވެއެވެ. ނަމަވެސް މިއީ ހިންދީ މިއުޒިކީ ސިނާއަތަށް ލިބުނު ފޫނުބެއްދޭނެ ބޮޑު އުނިކަމެއްގެ ގޮތުގައި ގިނަ ބަޔަކު ދެކެއެވެ.
