ސްކޫލްތައް ސަރަހައްދުގެ ޓްރެފިކް ލައިންތަކާއި ޒިބްރާ ކްރޮސްތައް އާކުރުމުގެ މަސައްކަތް ސިޓީ ކައުންސިލުން ފަށައިފި އެވެ.
މާލެ ސިޓީ ކައުސިލްއިން ބުނީ ސްކޫލްތައް ހުޅުވުމުގެ ކުރިން ސްކޫލްތައް ހިމެނޭ ސަރަހައްދުތަކުގެ ޓްރެފިކް ލައިންތަކާއި ޒިބްރާ ކްރޮސްތައް އާކުރުމުގެ މަސައްކަތް މިހާރު ފަށައިގެން ކުރިއަށްދާ ކަމަށެވެ. މިއީ މާލޭގެ މަގުތަކަކީ އަމާން ރައްކާތެރި ތަނަކަށްހެދުމަަށް ކުރެވޭ މަސައްކަތުގެ ތެރެއިން ކުރެވެމުންދާ މަސައްކަތެއް ކަމަށް އެކައުންސިލުން ވަނީ ބުނެފައި އެވެ.
ސްކޫލް ސަރަހައްދަކީ ސްކޫލްތައް ހުޅުވުމަށް ފަހު އާއްމު ގޮތެއްގައި ޓްރެފިކް ބޮޑު ސަރަހައްދުތަކެކެވެ. އަދި ވަކިން ހާއްސަކޮށް ސްކޫލް ނިމޭ ގަޑިއާއި ފެށޭގަޑީގައި ޓްރެފިކް ބޮޑުކަން ފާހަނގަ ކުރެވެ އެވެ. އެހެންކަމުން ސްކޫލް ސަރަހައްދުގެ ޓްރެފިކް ލައިންތައް އާކުރުމުން ދުއްވާ މިހުންނަށް ދުއްވާއިރު ޓްރެފިކް ލައިންތަކާއި ޒިބްރާ ކްރޮސްތައް ދެނެގަތުމަށް ފަސޭހަ ވާނެ އެވެ. އަދި ހިނގާފައި އުޅޭ މީހުންނަށް މަގު ހުރަސް ކުރަންވީ ދިމާ ހޯދަން ފަސޭހަ ވާނެ އެވެ. މަގުމަތީގެ ޓްރެފިކް ރައްކާތެރިކަން ކަށަވަރު ކުރުމަށް ކުރެވޭ މިފަދަ ކަންކަމަކީ ކިތަންމެ ކުދި ކުދި ކަންކަމުގައިވީ ނަމަވެސް މިއީ މަގުމަތީ ރައްކާތެރިކަން ކަށަވަރު ކުރުމަށް އެޅޭ މުހިންމު ފިޔަވަޅުތަކެކެވެ.
